भारतीय भाषाओं द्वारा ज्ञान

Knowledge through Indian Languages

Dictionary

Odiya Loka Sanskruti Sabdakosa

Odisha Sahitya Akademi

ଶବ୍ଦକୋଷର ପରିଚୟାତ୍ମକ ପୃଷ୍ଠାକୁ ଦେଖିବା ପାଇଁ ଦୟାକରି ଏହିଠାରେ କ୍ଲିକ କରନ୍ତୁ।
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

< previous123456Next >

ଝକା

କାଳିସୀ ଲାଗିଥିବା ବ୍ୟକ୍ତି ପିନ୍ଧିଥିବା ଘାଘରା l

ଝକ୍‌ମକି

ଅରଣି ପଥର l ଦିଆସିଲି ବାହାରିବା ପୂର୍ବରୁ ଏଇ ପଥରରେ ପଥର ଘଷି ବା ଆଘାତ କରାଇ ତହିଁରୁ ନିଆଁ ବାହାର କରାଯାଉଥିଲା l

ଝଗଡ଼

ରାଜା ବା ସାମନ୍ତଙ୍କ ସ୍ନାନନୀତି l

ଝଗଡ଼ା

କଜିଆ, କଳିତକରାଳ l

ଝଗଡ଼ାଲଗା

କଳିହା, କଜିଆଖୋର ଲୋକ l

ଝଗା

ଶାଢ଼ୀର ସାମନାପଟ ଖୋଷଣିର କୁଞ୍ଚ l

ଝଗୁଆ

ମାଟିବୁହା ଟୋକେଇ, ଗାଣ୍ଡୁଆ | ଏଥିରେ ମାଟି ଗୋବରାଦି ବୁହାଯାଏ l

ଝଙ୍କା

ଅଗଭୀର ବଡ଼ ଟୋକେଇ, ବେତା, ବାଉଁଶ ତିଆରି ଭାତଛଣା ବେତା l

ଝଜି

ଛୋଟଗାମୁଛା, ଝାଡଣ l

ଝଟା

ସରୁସରୁ ଗଛର ସରୁ ଡାହି, ଝାଟି l ଝଟା କାଟି ଶୁଖାଇ ଜଳାଯାଏ l

ଝଡ଼ା

୧. ଭୂତ, ପ୍ରେତାଦିଙ୍କୁ ମନ୍ତ୍ର ଦ୍ଵାରା ଝାଡିବା l ୨. ଅତ୍ୟନ୍ତ ଶୁଖିଲା ଝଡା ନଡିଆ l ୩. ବର୍ଷକରେ ଥରେ ନଡିଆ ଗଛର ଅନାବଶ୍ୟକ ବାହୁଙ୍ଗା, ଶିପ, ଚ‌ଅଁରାଦି ଝାଡି ଗଛ ପରିଷ୍କାର କରିବା l ୪. ଝାଡୁକରା ଅଳିଆ l ୫. ଗଛରୁ ଫୁଲ, ପତ୍ର, ଫଳାଦି ଝଡିବା l ୬. ବାଳୁଙ୍ଗା ଧାନ ବଛାବଛି l ୭. ମାଛରୁ କାତି, କଣ୍ଟା ଇତ୍ୟାଦି ବାହାର କରିବା l

ଝଡ଼ାଫୁଙ୍କା

ଡାଆଣୀ, ଚିରଗୁଣୀ ଇତ୍ୟାଦି ଲାଗିଲେ, ଗୁଣିଆମାନଙ୍କ ଦ୍ଵାରା ଭୂତ, ପ୍ରେତ ଓ ଡାଆଣୀ ଝଡାଇବା ପ୍ରଥା l ଘା’ ପାଚିଲେ, ପେଟ ଟାଣିଲେ, କିମ୍ବା ଜର ପୀଡା ହେଲେ ଝଡ଼ା ଫୁଙ୍କା କରି ରୋଗ ଭଲ କରାଯିବା ରୀତି l

ଝଡାବେସର

ମାଛ ଭଜାରୁ କଣ୍ଟା କାଢି, ତହିଁରେ ବଟା ସୋରିଷ ଦେଇ କରାଯାଉଥିବା ତରକାରି l ଏହାକୁ ମଧ୍ୟ ଝଡାମହୁର କୁହାଯାଏ l

ଝଣତା

ଚିଆଁ ପଖାଳ l ତବତଭାତ ଗରମ ଥିବା ଅବସ୍ଥାରେ ତହିଁରେ ପାଣି ପୂରାଇ ଦେଲେ ତାକୁ ଝଣତା ବା ଚାଇଁ ପଖାଳ କୁହାଯାଏ l

ଝବା

୧. ଛୋଟ ମାଠିଆ ବା କଳସୀ l ୨. ଫସଲ; କ୍ଷେତରେ ଠାଏ ଠାଏ ବହଳିଆ ଓ ଠାଏ ଠାଏ ପତଳା ହୋ‌ଇଥିବା ଅବସ୍ଥା l ୩. ନାରୀମାନେ ମଥାରେ ପିନ୍ଧୁଥିବା ଏକ ପ୍ରକାରର ଅଳଙ୍କାର l

ଝମକ ଝୁଣ୍ଟିଆ

ନାରୀମାନେ ଗୋଡ ଆଙ୍ଗୁଠିରେ ପିନ୍ଧୁଥିବା ଝରାଲଗା ରୁପା ଅଳଙ୍କାର l

ଝମ୍ପାଣ

ଗର୍ଭଣା ସଂକ୍ରାନ୍ତି ଦିନ ଗୁଣିଆ ବା ସାପୁଆ କେଳାମାନେ ବିଷଧର ସାପକୁ ମନ୍ତ୍ର ଦ୍ଵାରା ନିୟନ୍ତ୍ରଣ କରାଇ ନିଜ ବେକରେ ସାପ ଗୁଡ଼ାଇ ମନ୍ତ୍ରଶକ୍ତି ପ୍ରଦର୍ଶନ କରିବାର କ୍ରିୟା l

ଝମ୍ପାନ୍‌

ପାହାଡିଆ ସ୍ଥାନରେ ବ୍ୟବହୃତ ଦୋଳାକୃତି ଖଟିଆ l ଧନୀ, ରୋଗୀ ଅଥବା ବୟସ୍କ ଲୋକମାନଙ୍କୁ ଖାଲଢିପ ଥିବା ପାହାଡିଆ ସ୍ଥାନରେ ଯାତାୟାତ କରାଇବା ନିମିତ୍ତ ଏଇ ପ୍ରକାରର ଖଟିଆ ବ୍ୟବହୃତ ହୁଏ l ଏହା ଉପରେ ରୋଗୀ, ଧନୀ ଅଥବା ବୟସ୍କ ଲୋକଙ୍କୁ ବସାଇ, ଏହାକୁ ବାହକମାନେ କାନ୍ଧରେ କାନ୍ଧାଇ ବହନ କରି ନେଇଥାନ୍ତି l

ଝରକଲମ

ସ୍ୟାହି ପଶୁଥିବା କଲମ, ଏଥିରେ ଥିବା ସ୍ୟାହି ଲେଖିବା ବେଳେ ଝରଝର ହୋ‌ଇ ତଳକୁ ଝରେ ଓ ମୁନରେ ପହଞ୍ଚିବା ଦ୍ଵାରା ସହଜରେ ଲେଖିହୁଏ l

ଝରା

୧. ମୁଣ୍ଡରେ ପିନ୍ଧାଯିବା ଫୁଲଗଭା, ଫୁଲଗୁନ୍ଥା ତୋଡା l ୨. ଝରାକାଠିରୁ ଓହଳିଥିବା ଘୂଙ୍ଗୁରଲଗା ଝଞ୍ଜିରମାଳ l ଏହାକୁ ନାରୀମାନେ ଚୁଟି ବାନ୍ଧିବା ବେଳେ ଜୁଡାରେ ଲଗାଇଥାନ୍ତି l ୩. ରାଜାଙ୍କ ରକ୍ଷିତା ଦାସୀ l ରାଜା, ସାମନ୍ତମାନେ କୌଣସି ସୁନ୍ଦରୀ ନାରୀକୁ ଫୁଲଝରା ଉପହାର ଦେଇ ତାକୁ ରକ୍ଷିତା ରୂପେ ଗ୍ରହଣ କରନ୍ତି, ସେମାନଙ୍କୁ ଝରା, କୁହାଯାଏ l
< previous123456Next >

Search Dictionaries

Loading Results

Follow Us :   
  Download Bharatavani App
  Bharatavani Windows App