भारतीय भाषाओं द्वारा ज्ञान

Knowledge through Indian Languages

Dictionary

Odiya Loka Sanskruti Sabdakosa

Odisha Sahitya Akademi

ଶବ୍ଦକୋଷର ପରିଚୟାତ୍ମକ ପୃଷ୍ଠାକୁ ଦେଖିବା ପାଇଁ ଦୟାକରି ଏହିଠାରେ କ୍ଲିକ କରନ୍ତୁ।
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

ଡାଗର

୧. ଡାବଲ ପୁଆ ଖେଳରେ ପୁଆକୁ ପିଟିବାକୁ ବ୍ୟବହୃତ ବାଡ଼ି l ୨. ବୟସ୍କ ପିଲା l

ଡାଗର ପୁଆ

ଡାବଲ ପୁଆ, ଗୁଚିତାଣ୍ଡୁ l ଏହାର ବଡ଼ ବାଡ଼ିଟି ଡାଗର ଓ ଛୋଟ ବାଡ଼ିଟି ପୁଆ l ଏହା ଏକ ଶିଶୁ ଖେଳ, ଏହି ଖେଳରେ ମାଟିରେ ଗୋଟିଏ ଲମ୍ବା ଗାତ କରି ଏଥିରେ ପୁଆକୁ ଥୋ‌ଇ, ଡାଗର ଦ୍ଵାରା ଛାଟି ଦିଆଯାଏ l

ଡାଗରା

ବଡ଼ ଉକୁଣୀ l

ଡାଙ୍କୁଣୀ

ଡାଆଣୀ, ଡାହାଣୀ l

ଡାଙ୍ଗ

୧. କାଠି l ୨. ବାଡ଼ି, ବେତ ବାଡ଼ି l ୩. ସରୁଆ ପତ୍ର ନଥିବା ଛୋଟ ଡାଳ l ୪. ଢୋଲ, ନାଗରା ଇତ୍ୟାଦି ବାଦ୍ୟ ବଜାଯାଉଥିବା ବାଡ଼ି l

ଡାଙ୍ଗିଆ

୧. ଡାଙ୍ଗ l ୨. ଡଙ୍ଗା ଓଟାରିବା ଦ‌ଉଡ଼ାରେ ବନ୍ଧାଥିବା ଛୋଟ ବାଡ଼ି l ୩. ଗୋବରା ଚଢେଇକୁ ବସାଇବା ପାଇଁ ବ୍ୟବହୃତ ଛୋଟବାଡ଼ି l ୪. ତନ୍ତରେ ଲାଗିଥିବା ଛୋଟକାଠ l ୫. ଖଣ୍ଡା ବା କଟୁରିରେ ବଳି ପଶୁକୁ ହାଣୁଥିବା ବ୍ୟକ୍ତି l ୬. ଚାଳଘରର ରୁଅରେ କାମଡ଼ା ଭିଡ଼ାବେଳେ, କଟକଟି ଦ‌ଉଡ଼ିକୁ ମୋଡ଼ିବା ପାଇଁ ବ୍ୟବହାର କରାଯାଉଥିବା ବାଉଁଶ ବା କାଠର ଶକ୍ତ ଅଥଚ ଛୋଟ ବାଡ଼ି l ୭. ଲଟା ମାଡ଼ିବା ପାଇଁ ହେଉଥିବା ଭାଡ଼ି ଉପରେ ଆଡ଼ବାଗରେ ପଡୁଥିବା ଛୋଟଡାଳ ବା ବାଉଁଶ ଅଗିରା ଇତ୍ୟାଦି l

ଡାଙ୍ଗୁଆ

୧. ସ୍ତ୍ରୀ ମରିଯାଇଥିବା ଲୋକ l ୨. ଠାକୁରାଣୀଙ୍କର ଶୂଦ୍ର ଜାତୀୟ ସେବକ l

ଡାଫରା

ଜାହାଜ ସହିତ ଜାହାଜର ଧକ୍କାକୁ ହ୍ରାସ କରିବା ପାଇଁ ଜାହାଜ ବାଡ଼ରେ ଓହଳା ଯାଇଥିବା କତା ଦ‌ଉଡ଼ାର ମୁଚୁଳା l

ଡାବ

୧. ତାଲିକା l ୨. ଏକ ପ୍ରକାର ଯାଉ l ୩. ଡାବର ପୁଆର ବାଡ଼ି l ୪. ପ‌ଇଡ଼ l

ଡାବଖଣ୍ଡା

ଦୁଇପାଖରେ ଧାରଥିବା ଖଣ୍ଡା l

ଡାବଲପୁଆ

ଗୁଚିତାଣ୍ଡୁ, ପୁଆ, ବାଡ଼ି, ଗୁଲିଡାଙ୍ଗ ଖେଳ l ମାଟି ଉପରେ ଲମ୍ବାଳିଆ ଗାତ ଉପରେ ପୁଆକୁ ରଖି, ଡାବର ବା ଦଣ୍ଡା ବାଡ଼ି ଦ୍ଵାରା ଏହାକୁ ଖେଞ୍ଚିଲେ ପୁଆଟି ଦୂରରେ ପଡ଼େ l ଜଗିଥିବା ପିଲା ଏହାକୁ ସେଠାରୁ ଗାତ ପାଖକୁ ଫିଙ୍ଗେ l ପୁଆ ବାଡ଼ାଇ ଥିବା ପିଲାଟି ଡାବରରେ ପୁଆକୁ ଆଘାତ କରେ l

ଡାବ୍‌

ଖଞ୍ଜଣି ଆକୃତି ଗୋଲିଆ ଚମଡ଼ା ଛାଉଣି ବାଦ୍ୟ, ଏହାକୁ ଗୋଟାଏ ହାତରେ ଧରି, ଅନ୍ୟ ହାତରେ ଆଙ୍ଗୁଠି ଦ୍ଵାରା ବଜାଯାଏ l

ଡାମରା

କିଳା, ମେଖ l କାଠ ବିଡ଼ାରେ ଏପରି ଖିଲ ବ୍ୟବହାର ହୁଏ l ଝାଡୁମୁଠା ପଛ ପାଖରେ ଡାମରା ମରା ଯାଇଥାଏ l କାଉ ଅର୍ଥରେ l

ଡାମ୍ଫଣ

ଦାମ୍ଫଣ l ଫୋଡ଼ଣି, ଲୁହାର ମୋଟା ଛୁଞ୍ଚି, ଅଖା, ପାଲ ଇତ୍ୟାଦି ସିଲେଇ ପାଇଁ ଏ ପ୍ରକାର ଛୁଞ୍ଚି ବ୍ୟବହୃତ ହୁଏ l

ଡାମ୍ଫଣିଆ

ଧାନ ଜମିରେ ଉଠିଥିବା ଏକ ପ୍ରକାର ଲମ୍ବା ମୁନିଆଁ ଘାସ l ରଗଡ଼ା ଘାସ l

ଡାଲଖାଇ

ପାରମ୍ପରିକ ଲୋକଗୀତ ଓ ନୃତ୍ୟ l ଏଥିରେ ସମୂହବାଦ୍ୟ ସହିତ ଯୁବତୀମାନେ ନୃତ୍ୟ କରନ୍ତି l

ଡାଲପୁରି

ଡାଲିବୁଟକୁ ସଝାଇ ପୁର ଦିଆଯାଇଥିବା ପୁରି l

ଡାଲମା. ଡାଲଣା.

ମୁଗ, ବୁଟ, ହଅରଡ଼, ଇତ୍ୟାଦି ଡାଲି ସଙ୍ଗେ ବିବିଧ ପରିବା ପକାଇ କରାଯିବା ତରକାରି l

ଡାଲା

୧. ବଡ଼ ଚାଙ୍ଗୁଡ଼ି, ଏଥିରେ ସାଧାରଣତଃ ଭୋଗ ସାମଗ୍ରୀ ଇତ୍ୟାଦି ରଖାଯାଏ l ଏହା ବାଉଁଶ ପାତିଆରେ ତିଆରି l ୨. ସିଧା, ସଞ୍ଚା, ଡାଲି, ଚାଉଳ ପ୍ରଭୃତି ରନ୍ଧା ସାମଗ୍ରୀ ଡାଲାରେ ରଖି ଭେଟି ଦେବା l

ଡାଲି

୧. ରଗଡ଼ା ମୁଗ, ବିରି, କୋଳଥ ଇତ୍ୟାଦି ଶସ୍ୟ l ୨. ବାଉଁଶ ପାତିଆ ତିଆରି ବଡ଼ ଟୋକେଇ l ୩. ଡାଲା, ରନ୍ଧା ସାମଗ୍ରୀ ଭରା ସଞ୍ଚା ଡାଲା l

Search Dictionaries

Loading Results

Follow Us :   
  Download Bharatavani App
  Bharatavani Windows App