भारतीय भाषाओं द्वारा ज्ञान

Knowledge through Indian Languages

Dictionary

English-Kannada Nighantu (University of Mysore)

University of Mysore

A B C D E F G H I J K L M N O P Q R S T U V W X Y Z

zippily

ಕ್ರಿಯಾವಿಶೇಷಣ

ಬಲವಾಗಿ; ಜೋರಾಗಿ.

zippiness

ನಾಮವಾಚಕ

ಬಲವಾಗಿರುವಿಕೆ; ಜೋರು.

zippy

ಗುಣವಾಚಕ

( ತರರೂಪ zippier, ತಮರೂಪ zippiest). ಬಲವಾದ; ಜೋರಿನ; ಸತ್ತ ವುಳ್ಳ; ಚೈತನ್ಯವುಳ್ಳ; ಹುರುಪಿನ.

zircon

ನಾಮವಾಚಕ

ಸರ್ಕನ್‍; ರಾಸಾಯನಿಕವಾಗಿ ಜಿರ್ಕೋನಿಯಮ್‍ ಸಿಲಿಕೇಟ್‍ ಆದ, ಅದರ ಅರೆಪಾರಕ ಬಗೆಯನ್ನು ರತ್ನವಾಗಿ ಬಳಸುವ, ಒಂದು ನೈಸರ್ಗಿಕ ಖನಿಜ ಪದಾರ್ಥ.

zirconium

ನಾಮವಾಚಕ

(ರಸಾಯನವಿಜ್ಞಾನ) ಜಿರ್ಕೋನಿಯಮ್‍; ನೈಸರ್ಗಿಕವಾಗಿ ಜಿರ್ಕಾನ್‍ (zircon) ನಲ್ಲಿ ದೊರೆಯುವ, ಪರಮಾಣು ಸಂಖ್ಯೆ 40, ಪರಮಾಣು ತೂಕ 91 ಇರುವ ಲೋಹ ಧಾತು, ಸಂಕೇತ Zr.

zit

ನಾಮವಾಚಕ

(ಮುಖ್ಯವಾಗಿ ಅಮೆರಿಕನ್‍ ಪ್ರಯೋಗ, ಅಶಿಷ್ಟ) ಮೊಡವೆ; ಗುಳ್ಳೆ.

zither

ನಾಮವಾಚಕ

ಜಿದರ್‍ (ವಾದ್ಯ); ಪೊಳ್ಳು ನಾದಪೆಟ್ಟಿಗೆಯ ಮೇಲೆ ಹಲವಾರು ತಂತಿಗಳನ್ನು ಅಳವಡಿಸಿದ್ದು, ಬೆರಳಿನಿಂದ ಮೀಟಿ ನುಡಿಸುವಂಥ, ಒಂದು ರೀತಿಯ ಸಿತಾರ್‍ ವಾದ್ಯ.

zitherist

ನಾಮವಾಚಕ

ಜಿದರ್‍ ವಾದಕ; ಜಿದರ್‍ ನುಡಿಸುವವನು.

zizz

ನಾಮವಾಚಕ

  • ವಿಸ್‍; ಝೇಂಕರಿಸುವ ಶಬ್ದ.
  • ತೂಕಡಿಕೆ; ಸಣ್ಣ ನಿದ್ದೆ.

zizz

ಅಕರ್ಮಕ ಕ್ರಿಯಾಪದ

  • ವಿಸ್‍ ಎಂಬ ಶಬ್ದ ಮಾಡು.
  • ತೂಕಡಿಸು; ಸಣ್ಣ ನಿದ್ದೆ ಮಾಡು.

zloty

ನಾಮವಾಚಕ

(ಬಹುವಚನ ಅದೇ ಯಾ zlotys). ಪೋಲೆಂಡಿನ ನಾಣ್ಯಪದ್ಧತಿಯ ಏಕಮಾನ.

Zn

ಸಂಕೇತ

(ರಸಾಯನವಿಜ್ಞಾನ) zinc.

zodiac

ನಾಮವಾಚಕ

ಪದಗುಚ್ಛ

signs of the zodiac (ರಾಶಿಚಕ್ರದ ಯಾ ರಾಶಿಕುಂಡಲಿಯ) ಮೇಷಾದಿ ಹನ್ನೆರಡು ರಾಶಿಗಳು (ಮೇಷ, ವೃಷಭ, ಮಿಥುನ, ಕರ್ಕಾಟಕ, ಸಿಂಹ, ಕನ್ಯಾ, ತುಲಾ, ವೃಶ್ಚಿಕ, ಧನುಸ್ಸು, ಮಕರ, ಕುಂಭ, ಮೀನ).

  • ರಾಶಿಚಕ್ರ:
    1. ಆಕಾಶದಲ್ಲಿ ಸೂರ್ಯನ ತೋರ್ಕೆಯ ಪಥವಾದ ಕ್ರಾಂತಿವೃತ್ತದಿಂದ ಇಕ್ಕೆಲಗಳಲ್ಲೂ ಸುಮಾರು ಎಂಟು ಡಿಗ್ರಿ ಅಂತರವನ್ನೊಳಗೊಂಡ, ವರ್ಷಾದ್ಯಂತ ಗ್ರಹಗಳೆಲ್ಲವೂ ಸಂಚರಿಸುವ ಪ್ರದೇಶವಾಗಿರುವ, ಹನ್ನೆರಡು ಸಮಭಾಗಗಳಾಗಿ ಮಾಡಿ ಆ ಭಾಗಗಳಿಗೆ ಮೇಷ ವೃಷಭಾದಿ ಹೆಸರುಗಳನ್ನಿಟ್ಟು ದ್ವಾದಶ ರಾಶಿಗಳೆಂದು ಪರಿಗಣಿಸಲಾಗಿರುವ ಚಕ್ರಾಕಾರದ ಪಟ್ಟೆ.
    2. ಅದರ ಚಿತ್ರ.
  • ಪೂ ವೃತ್ತ, ವಲಯ.

zodiacal

ಗುಣವಾಚಕ

ರಾಶಿಚಕ್ರದ, ಅದಕ್ಕೆ ಸಂಬಂಧಿಸಿದ.

zodiacal light

ನಾಮವಾಚಕ

ರಾಶಿಪ್ರಭೆ; ರಾಶಿಚಕ್ರ ಪ್ರಭೆ; ಅರುಣರಾಗ; ಮುಖ್ಯವಾಗಿ ಉಷ್ಣವಲಯದಲ್ಲಿ ಸೂರ್ಯೋದಯಕ್ಕೆ ಮುಂಚೆ ಪೂರ್ವದಲ್ಲಿ ಮತ್ತು ಸೂರ್ಯಾಸ್ತದ ತರುವಾಯ ಪಶ್ಚಿಮದಲ್ಲಿ ಕಾಣಬರುವ, ನೀಳವಾದ ತ್ರಿಕೋನಾಕಾರದ ಪ್ರಭೆ.

zoetrope

ನಾಮವಾಚಕ

(ಚರಿತ್ರೆ) ಜೀವ(ದೃಶ್ಯ)ಚಕ್ರ; ಉರುಳೊಂದರ ಒಳಮೈ ಮೇಲೆ ಚಿತ್ರಗಳ ಅನುಕ್ರಮ ಸಾಲೊಂದಿದ್ದು, ಉರುಳೆಯನ್ನು ತಿರುಗಿಸುತ್ತಾ, ಕಂಡಿಯೊಂದರ ಮೂಲಕ ಅದನ್ನು ನೋಡಿದಾಗ ಅವು ಚಲಿಸುತ್ತಿರುವಂತೆ ಕಾಣಿಸುವ ಭ್ರಮೆಯನ್ನು ಕಲ್ಪಿಸುತ್ತಿದ್ದ, ಒಂದು ಆಟದ ಸಲಕರಣೆ.

zoic

ಗುಣವಾಚಕ

  • ಪ್ರಾಣಿಗಳ ಯಾ ಅವಕ್ಕೆ ಸಂಬಂಧಿಸಿದ.
  • (ಭೂವಿಜ್ಞಾನ) (ಶಿಲೆ ಮೊದಲಾದವುಗಳ ವಿಷಯದಲ್ಲಿ) ಪಳೆಯುಳಿಕೆ ಯಾ ಹಾಸಿಲುಗಳಿರುವ; ಜೈವಿಕ ಕುರುಹುಗಳಿರುವ; ಪ್ರಾಣಿಯ ಯಾ ಸಸ್ಯದ ಗುರುತುಗಳಿರುವ.

Zollner’s lines

ನಾಮವಾಚಕ

ಟ್ಸೋಲ್ನರ್‍ ರೇಖೆಗಳು; ಸಮಾಂತರವಾಗಿರುವ, ಆದರೆ ಅವುಗಳನ್ನು ಛೇದಿಸುವ ಓರೆಯಾದ ಮೊಟಕು ರೇಖೆಗಳ ಕಾರಣದಿಂದ ಸಮಾಂತರವಾಗಿ ಕಾಣದಿರುವ ರೇಖೆಗಳು.

zollverein

ನಾಮವಾಚಕ

German (ಚರಿತ್ರೆ) (ಮುಖ್ಯವಾಗಿ 19ನೆಯ ಶತಮಾನದ ಜರ್ಮನಿಯ ರಾಜ್ಯಗಳಲ್ಲಿದ್ದ) ಸುಂಕದ ಸಂಘ.

zombi

ನಾಮವಾಚಕ

= zombie.

Search Dictionaries

Loading Results

Follow Us :   
  Download Bharatavani App
  Bharatavani Windows App