भारतीय भाषाओं द्वारा ज्ञान

Knowledge through Indian Languages

Dictionary

Pampana Nudigani (Kannada)

Kamadhenu Pustaka Bhavana

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

ಅಂಗವಲ್ಲಭ

[ನಾ] ಅಂಗರಾಜ್ಯದ ದೊರೆ, ಕರ್ಣ (ಇನ್ನುಂ ಈ ಒಡಲೊಳಿರ್ದುದು ನಾಣಿಲಿಜೀವಂ ಎಂದೊಡೆ ಆವೆಡೆಯೊಳೆ ನಿನ್ನೊಳೆನ್ನ ಕಡುಗೂರ್ಮೆಯುಂ ಅೞ್ಕಱುಂ ಅಂಗವಲ್ಲಭಾ: ಪಂಪಭಾ, ೧೩. ೪)

ಅಂಗಹಾರ

[ನಾ] ನೃತ್ಯ, ನಟನೆಯ ಮುದ್ರೆ, ಅಂಗಚಲನೆಯ ಮೂಲಕ ಭಾವಾಭಿವ್ಯಕ್ತಿ (ಕರಣಂ ರೇಚಕಂ ಅಂಗಹಾರಂ ಇನಿತೆಂದು ಓದುತ್ತುಂ ಇರ್ಪ ಓದು ಅದತ್ತಿರಲಿ ಈ ನಾಟ್ಯರಸಂ ಸಮಸ್ತ ಸುರವೃಂದಾಧೀಶನಿಂದಂ ಪೊನಲ್ವರಿದತ್ತು: ಆದಿಪು, ೭. ೧೨೦)

ಅಂಗಹೀನ

[ಗು] ದೈಹಿಕ ಊನವುಳ್ಳವನು (ಪಾಂಡುರಾಜಂಗೆ ಧೃತರಾಷ್ಟ್ರನಂಗಹೀನನೆಂದು ವಿವಾಹದೊಸಗೆಯೊಡನೆ ಪಟ್ಟಬಂಧದೊಸಗೆಯಂ ಮಾಡಿ ನೆಲನನಾಳಿಸೆ: ಪಂಪಭಾ, ೧. ೧೦೭ ವ)

ಅಗೞ್

[ನಾ] ಕಂದಕ (ಈಂಟುಜಳಧಿಯೆನಿಪ ಅಗೞ ನೀಳ್ಪಿನಿಂ: ಪಂಪಭಾ, ೩. ೨೨)

ಅಗಾಧ

[ಗು] ಅಳೆಯಲಾಗದ (ಅಗಾಧವಾರಿಧಿಯೆ ಗುಣ್ಪಂ .. .. ಏಳಿದಮಾಗೆ ಬಿಸುೞ್ಪೊಡಂ ಬಿಸುೞ್ಕೆಮ ಬಿಸುಡೆಂ ಮದೀಯ ಪುರುಷವ್ರತಮೊಂದುಮನೀಗಳಂಬಿಕೇ: ಪಂಪಭಾ, ೧. ೮೩)

ಅಗಾಧಬೋಧನಿಳಯ

[ನಾ] ಆಳವಾದ ತಿಳಿವಿಗೆ ಆಕರನಾದವನು (ಜಗತ್ಸ್ವಾಮಿ ಸಂದ ಆದಿಬ್ರಹ್ಮಂ ಅಗಾಧಬೋಧನಿಳಯಂ ದುರ್ವಾರಸಂಸಾರ ವಿಚ್ಛೇದೋಪಾಯನಿಯುಕ್ತಸೂಕ್ತಿ ವೃಷಮಾರ್ಗಾಗ್ರೇಸರಂ: ಆದಿಪು, ೧. ೧)

ಅಗಾರಣ್ಯ

[ನಾ] ಬೆಟ್ಟಗಾಡು (ಅಲ್ಲಿಂ ಪೊಱಮಟ್ಟು ಮುನ್ನ ಧನಮಂ ಬಯ್ತಿದರ್ ಅಗಾರಣ್ಯದೊಳ್: ಆದಿಪು, ೫. ೪)

ಅಗಿ

[ಕ್ರಿ] ಕಟ್ಟು ಬೀಳು (ಮದುವೆಗಂ ರಾಜ್ಯದ ಪತ್ತುಗೆಗಂ ಗುರೂಪದೇಶಕ್ಕಗಿದು ಮನಂದಂದಂ: ಆದಿಪು, ೬. ೨); [ಕ್ರಿ] ಹೆದರು (ಕಿಡುವೊಡಲ ಕಿಡುವ ರಾಜ್ಯದ ಪಡೆಮಾತುಗೊಳಲ್ಕಮೆನ್ನ ಮೆಯ್ಯಗಿದಪುದು: ಆದಿಪು, ೧೪. ೧೨೭)

ಅಂಗುಟ

[ನಾ] ಉಂಗುಷ್ಠ, ಕಾಲಿನ ಹೆಬ್ಬೆರಳು (ಮಡದೆಡೆ ನಾಲ್ವೆರಲ್ ಅಂಗುಟದೆಡೆಯೊಳ್ ಗೇಣಾಗೆ ನಿಲ್ವುದಿಚ್ಛಾಗತಂ ಅಂದೆಡೆಯೊಳ್ ವಾಚಂಯಮತೆಯೊಳ್ ಒಡಂಬಡಂ ಪಡೆದು ನಿಂದನಾದಿಬ್ರಹ್ಮಂ: ಆದಿಪು, ೯. ೮೪)

ಅಗುಂತಿ

[ನಾ] ಆಧಿಕ್ಯ, ಅತಿಶಯತೆ (ಆಕೆಯ ಬಗೆದ ಬಗೆಯೊಳೊಡಂಬಡುವಂತೆ ಕುಲಗಿರಿಗಳ ಬಿಣ್ಪುಮಂ ಧರಾತಳದ ತಿಣ್ಪುಮಂ ಆದಿತ್ಯನ ತೇಜದಗುಂತಿಯುಮಂ: ಪಂಪಭಾ, ೧. ೧೩೯ ವ); [ನಾ] ಏಳಿಗೆ (ಇದಱೊಳ್ ತನ್ನಿಷ್ಟವಪ್ಪನ್ನಂ ಉತ್ತರಂ ಅಕ್ಕುಂ ಧೃತಿ ತುಷ್ಟಿ ಪುಷ್ಟಿ ವಿಭವಂ ಸೌಭಾಗ್ಯಂ ಇಷ್ಟಂಗನಾಸುರತಂ ಕಾಂತಿ ಅಗುಂತಿ ಶಾಂತಿ ವಿಭವಂ ಭದ್ರಂ ಶುಭಂ ಮಂಗಳಂ: ಪಂಪಭಾ, ೧೪. ೬೫)

ಅಗುಂದಲೆ

[ನಾ] ಅತಿಶಯ (ಮೂಲೋಕಕ್ಕೆ ಪೆಂಪಿಂದ ಅಗುಂದಲೆಯಾಗಿರ್ದುದು ದೇವದಂಪತಿರತಶ್ರೀಸುಂದರಂ ಮಂದರಂ: ಆದಿಪು, ೧. ೫೦); [ಗು] ಮೀರಿದುದು (ರಾಜ್ಯಮಂ ತೃಣದಿಂದಂ ಲಘುವಾಗೆ ಬಗೆದು ಬಗೆದರ್ ತಾಮುಂ ತಂದೆಯ ಬಗೆದುದನೆ ಎಂದೊಡೆ ಅಗುಂದಲೆ ಪೊಗೞಲ್ಕೆ ಚಕ್ರಿನಂದನರಳವಂ: ಆದಿಪು, ೪. ೮೮)

ಅಗುರುಲಘುತ್ವ

[ನಾ] [ಜೈನ] ಸಿದ್ಧಪರಮೇಷ್ಠಿಗಳ ಅಷ್ಟಗುಣಗಳಲ್ಲಿ ಒಂದು, [ಮನಸ್ಸು] ಹಗುರ ಅಥವಾ ಭಾರವಾಗದ ಸಮಸ್ಥಿತಿ (ಸಮ್ಯಕ್ ಜ್ಞಾನ ದರ್ಶನ ಅನಂತವೀರ್ಯ ಸೂಕ್ಷ್ಮತ್ವ ಅಗುರುಲಘುತ್ವ ಅವಗಾಹ ಅವ್ಯಾಬಾಧಗಳೆಂಬ ಸಿದ್ಧಪರಮೇಷ್ಠಿಗಳ ಅಷ್ಟಗುಣಂಗಳಂ ನೆನೆಯುತ್ತುಂ: ಆದಿಪು, ೧೦. ೧೪ ವ)

ಅಗುರ್ಬು

[ನಾ] ಭಯಂಕರತೆ (ಮದಧಾರಾ ಜಳಾಸಾರದಿಂದುರ್ಬಿದ ಅಗುರ್ಬಂ ತಾಳ್ದಿ ನಿಂದೂರ್ಜಿತ ಜಯಗಜಮಂ ರಾಗದಿಂದೇಱಿದಂ: ಆದಿಪು, ೧೨. ೬೧) [ನಾ] ಅದ್ಭುತ (ಅಂತು ನೂರ್ವರೊಳ್ ಒರ್ವನ ಅಗುರ್ಬು ಪರ್ಬಿ ಪರಕಲಿಸೆ ಸಂಪೂರ್ಣ ವಯಸ್ಕನಾಗಿ ಘೃತಘಟವಿಘಟನನುಮಾಗಿ ಪುಟ್ಟುವುದುಂ: ಪಂಪಭಾ, ೧. ೧೩೧ ವ)

ಅಗುರ್ವಾಗು

[ಕ್ರಿ] ಭಯವನ್ನುಂಟುಮಾಡುವಂತಿರು (ತೋಳೆಂಟು ಅಗುರ್ವಾಗಿರೆ ಬಣ್ಣಂ ಪೊನ್ನ ಬಣ್ಣಕ್ಕೆಣೆಯೆನೆ: ಆದಿಪು, ೧. ೭)

ಅಗುರ್ವಿಸು

[ಕ್ರಿ] ಭಯಪಡಿಸು (ನೆತ್ತಿಗಳಿಂ ನಿಮಿರ್ದಿರ್ದ ಬಳ್ಳಿಗಳ್ವಿಡಿದು ವಿಷೋರಗಪ್ರತತಿ ನೋೞ್ಪೊಡಗುರ್ವಿಸೆ ಸುಯ್ವ ಸುಯ್ಗಳಿಂ: ಆದಿಪು, ೧೪. ೧೪೦); [ಕ್ರಿ] ಹೆದರು (ಬೆಸಕೆಯ್ದತ್ತು ಸಮುದ್ರಮುದ್ರಿತ ಧರಾಚಕ್ರಂ ಪ್ರತಾಪಕ್ಕಗುರ್ವಿಸೆ ಗೋೞುಂಡೆಗೊಳುತ್ತುಮಿರ್ದುದು ದಿಶಾಚಕ್ರಂ: ಪಂಪಭಾ, ೧. ೧೧೦); [ಕ್ರಿ] ವಿಜೃಂಭಿಸು (ಸೂರ್ಯಪ್ರಭಾ ಪ್ರಸರಂಗಳ್ ಮಸುಳ್ವನ್ನೆಗಂ ಪೊಳೆವುದೊಂದಂ ಶಕ್ತಿಯಂ ಕೊಂಡಗುರ್ವಿಸಿ ಗಾಂಗೇಯಂ ಇಟ್ಟಂ: ಪಂಪಭಾ, ೧೦. ೧೨೩)

ಅಗುರ್ವು

[ನಾ] ಅದ್ಭುತ, ವಿಸ್ಮಯ (ವಾರಿಧಿಯೆ ಗಗನಮಂ ಮುಟ್ಟಿ ನಿಂದಂತೆ ಅಗುರ್ವಿನಿಂದಾದಂ ಚೆಲ್ವಾಯ್ತು ಚಕ್ರದ್ವಿಪಘಟೆ ನಿಶಿತಾಸ್ತ್ರಾಂಶುಜಾಳಾವಲೀಢಂ: ಆದಿಪು, ೧೪. ೯೭); [ನಾ] ಭಯ (ವಿಕ್ರಮದಿಂದೆ ನಿಂದಗುರ್ವೆನಲಿಱಿದಾಂತನಂ ಮೊಸಳೆಯಂ ಪಿಡಿವಂತಿರೆ ನೋರೊಳೊತ್ತಿ ಭೀಮನತಿಗರ್ವದಿಂ ಪಿಡಿಯೆ: ಪಂಪಭಾ, ೧. ೨೬); [ನಾ] ಆಶ್ಚರ್ಯ (ಬಿಯಂ ಆರೆರ್ದೆಗಂ ಬರೆ ಬರ್ಪ ಪಾಂಗು ಅಗುರ್ವಾಗಿರೆ ಚೆಲ್ವನಾಯ್ತು ಅರಬೊಜಂಗರ ಲೀಲೆ ಸುರೇಂದ್ರಲೀಲೆಯಿಂ; ಪಂಪಭಾ, ೪. ೮೭); [ನಾ] ಸಾಹಸ (ಮಹಾರಥರಾಜಿಯೊಳ್ ಅಂತಗುರ್ವಿನಚ್ಚುಡಿದಿರೆ ಕಾದಿ ಬಿಚ್ಚಳಿಸಿದರ್: ಪಂಪಭಾ, ೧೦. ೧೧೪); [ನಾ] ಅತಿಶಯತೆ (ಮತ್ಪ್ರತಾಪಕ್ಕಿದಱಿಂದಂ ನೋಡ ಅಗುರ್ವು ಉರ್ವಿದುದು ಇದುವೆ ಮಹಾಭಾರತಕ್ಕಾದಿಯಾಯ್ತು: ಪಂಪಭಾ, ೧೨. ೧೫೬); [ನಾ] ಭೀಕರತೆ (ಸುಯೋಧನನ ಸಕಲರಾಜ್ಯಶ್ರೀಯುಂ ಸಡಿಲಿಸಿದ ತೋಳನಾಗಳ್ ಸಡಿಲಿಸಲಣ್ಮಳೆ ದಲ್ ಅದಱ ಅಗುರ್ವು ಏಂ ಪಿರಿದೋ: ಪಂಪಭಾ, ೧೨. ೧೯೩)

ಅಗುರ್ವುಗೊಳ್

[ಕ್ರಿ] ಹೆದರು (ಷಟ್ಖಂಡಭೂಮಂಡಳಂ ನಿಮಿರ್ದಾಜ್ಞಾಪ್ರಸರಕ್ಕಗುರ್ವುಗೊಳೆಯುಂ: ಆದಿಪು, ೧೫. ೪)

ಅಂಗುಳಿ

[ನಾ] ಆನೆಯ ಸೊಂಡಿಲ ತುದಿ (ಮೃದುದೀರ್ಘವಿಸ್ತೃತ ಅಂಗುಳಿಯುಂ .. .. ಸಪ್ತದ್ವಾಸ್ಥಿತನುವುಮಪ್ಪ ವಿಜಯ ಪರ್ವತಗಜೇಂದ್ರಂ ಬಂದು ಮುಂದೆ ನಿಲ್ವುದುಂ: ಆದಿಪು, ೧೨. ೫೬ ವ)

ಅಂಗುಳಿತ್ರಾಣ

[ನಾ] ಬೆರಳ ಕಾಪು (ಬದ್ಧ ಗೋಧಾಂಗುಳಿತ್ರಾಣ ಯೋಧಸಿಂಧುರಘಟಾ ಸಂಘಟ್ಟಮುಂ: ಆದಿಪು, ೧೪. ೯೩ ವ)

ಅಗುಳ್

[ನಾ] ಅನ್ನದ ಅಗುಳು (ಕುಕ್ಕುೞಗುದಿವಲ್ಲಿ ಕೂೞ್ಗುದಿಯೆ ಮೇಗೆ ಸಿಡಿಲ್ದ ಅಗುಳಂತೆ: ಪಂಪಭಾ, ೧೧. ೧೫೩)

Search Dictionaries

Loading Results

Follow Us :   
  Download Bharatavani App
  Bharatavani Windows App