भारतीय भाषाओं द्वारा ज्ञान

Knowledge through Indian Languages

Dictionary

Pampana Nudigani (Kannada)

Kamadhenu Pustaka Bhavana

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

ಅಚ್ಚರಿಯಾಗು

[ಕ್ರಿ] ಆಶ್ಚರ್ಯಕರವಾಗು (ಬಳಸಿದ ವೇದಪಾರಗರ ಸಂದಣಿಯೆಂಬಿವಱಿಂ ವಿವಾಹಮಂಗಳಮದು ಕುಂತಿಮಾದ್ರಿಗಳೊಳ್ ಅಚ್ಚರಿಯಾದುದು ಪಾಂಡುರಾಜನಾ: ಪಂಪಭಾ, ೧. ೧೦೭)

ಅಚ್ಚರಿವೆಱು

[ಕ್ರಿ] ಅಚ್ಚರಿಗೊಳಿಸು (ಆ ಲಲಿತಾಂಗಿ ಬೆಚ್ಚನುಸಿರ್ದಚ್ಚರಿವೆತ್ತಿರೆ ಮೂರ್ಛೆವೋಪುದುಂ: ಆದಿಪು, ೩. ೨೩)

ಅಚ್ಚವೆಳ್ದಿಂಗಳ್

[ನಾ] ಶುಭ್ರ ಬೆಳುದಿಂಗಳು (ತನ್ನ ಜಸದಂತೆ ಪಸರಿಸಿದಚ್ಚವೆಳ್ದಿಂಗಳಂ: ಪಂಪಭಾ, ೪. ೬೯ ವ)

ಅಚ್ಚಸಿರಿಕಂಡ

[ನಾ] ಅಚ್ಚ ಶ್ರೀಗಂಧ (ಅಗರುವ ಮೆಚ್ಚು ಅಚ್ಚ ಸಿರಿಕಂಡದೊಳ್ ಅಗ್ಗಲಿಸಿತ್ತು ಸೂಡುಶಯ್ಯೆಗಳ ಬಯಕ್ಕೆ ಜೊಂಪಲರ್ದವು: ಪಂಪಭಾ, ೫. ೩೦)

ಅಚ್ಚಿಗ

[ನಾ] ಭ್ರಾಂತಿ, ಗೊಂದಲ (ನೀನೆಱಗಿದೆ ಎನ್ನ ಪಕ್ಕದೆ ಪೆಱಳ್ಗೆನೆ ಬೆರ್ಚಿ ಲತಾಂಗಿಗಾಗಳಾನೆಱಗಿದೆಂ ಆದುದಾ ಲತೆಯಿಂ ಅಚ್ಚಿಗಮಿಂತೆನಗಂ ಲತಾಂಗಿಗಂ: ಆದಿಪು, ೪. ೧೩); [ನಾ] ದುಃಖ (ನಲ್ಲಳಗಲ್ಕೆಯಿಂದಂ ಆದ ಅದವೞಲಚ್ಚಿಗಂ ಮಱುಕಮೆಂಬಿವಱಿಂದೆ ಕನಲ್ದು ಮುನ್ನೆ ಬೇಟದ ಸವಿಗಂಡನಲ್ಲದಱಿಯಂ ಶ್ರಮಮಂ ಕಡುವೇಟಕಾಱರಾ: ಆದಿಪು, ೧೨. ೨೨); [ನಾ] ಗಾಬರಿ (ನೆಗೞ್ದೆನ್ನ ಗುಣಮಲಂಘ್ಯಂ ಜಗದೊಳದಂ ಕಿಡಿಸಿದಪ್ಪನೀ ನೃಪನೆಂದು ಅಚ್ಚಿಗದೊಳೆ ಪುಯ್ಯಲಿಪಂತೆವೊಲ್ ಒಗೆದುದು ಚಳದನಿಲಹತ ಪಯೋಧಿನಾದಂ: ಆದಿಪು, ೧೨. ೭೬)

ಅಚ್ಚಿಗಂಗೊಳ್

[ಕ್ರಿ] ತುಂಬ ದುಃಖಪಡು (ಅಚಳಿತಧೈರ್ಯನ ಮನಮಂ ಚಳಿಯಿಸಲಾಱದೆ ಅಚ್ಚರಸೆಯರ್ ಅಚ್ಚಿಗಂಗೊಂಡಂತಾಗೆಯುಂ: ಪಂಪಭಾ, ೭. ೯೪ ವ)

ಅಚ್ಚಿಱಿ

[ಕ್ರಿ] ಮುದ್ರೆಯೊತ್ತು (ಅಂದಿನ ರೂಪು ಶಾಸನಂ ಬರೆದುದು ಬರ್ಚಿಸಿತ್ತು ಅಮರ್ದುದು ಅೞ್ದುದು ಅಳಂಕಿದುದು ಉರ್ಚಿ ಪೊಕ್ಕು ಬೇರ್ವರಿದುದು ಬೆಚ್ಚುದು ಅಚ್ಚಿಱಿದುದು: ಆದಿಪು, ೩. ೪೩); [ಕ್ರಿ] ಎರಕವಾಗು (ಆತ್ಮಾಂಗದೊಳ್ ರೋಹಿಣೀಚರಣಾಲಕ್ತಕಂ ಅಚ್ಚಿಱಿದುದು: ಪಂಪಭಾ, ೪. ೫೦); [ಕ್ರಿ] ಮುದ್ರೆ ಹಾಕು (ಮೆಯ್ಯನಿಕ್ಕುತ್ತಿರೆ ಪತ್ತಿ ಕೆಂದಳಿರ್ಗಳಚ್ಚುಗಳಚ್ಚಿಱಿದಂತೆ ಕಾಮನ ಬೇಟದಚ್ಚುಗಳ ಮಾೞ್ಕೆಯೊಳ್ ಇರ್ದುದು ಮೆಯ್ ಸುಭದ್ರೆಯಾ: ಪಂಪಭಾ, ೫. ೧೭)

ಅಚ್ಚು

[ನಾ] [ಅಕ್ಷ] ಎರಕ ಹೊಯ್ದ ವಸ್ತು (ಶೋಭಿಸಿದಂ ಕುಮಾರನಾನಂದದಿತರೂಪನಂದೆಸೆಯೆ ತಂದೆಯೊಳಚ್ಚಿನೊಳ್ ಒತ್ತಿದಂತೆವೋಲ್: ಆದಿಪು, ೮. ೪೩) [ನಾ] ಬಂಡಿಯ ಇರಚಿ (ಉಡಿದಿರ್ದೆಚ್ಚೞಿವೀಸು ತೞ್ಗಿದ ನೊಗಂ ಜೀಱೆೞ್ದ ಚಕ್ರಂ: ಪಂಪಭಾ, ೧೦. ೯೧)

ಅಚ್ಚುಡಿ

[ಕ್ರಿ] [ರಥದ] ಅಚ್ಚು ಮುರಿ (ನರನ ರಥಮಂ ಪಡುವು ಎಣ್ಗಾವುದುವರಂ ಸಿಡಿಲ್ವಿನಂ ಎಚ್ಚು ಅಚ್ಚುಡಿಯೆ: ಪಂಪಭಾ, ೧೧. ೨೦)

ಅಚ್ಛಜಳ

[ನಾ] ಶುದ್ಧ ನೀರು, ತಿಳಿ ನೀರು (ಕುಂದಧವಳ ನೃಪದಶನೇಂದು ಜ್ಯೋತ್ಸ್ನಾಮೃತಾಚ್ಛಜಳ ಪರಿಷೇಕಂ ಮಾಂದಿಸುವಂತಾದುದು ನೃಪನಂದನೆಯ ಎರ್ದೆಯೊಳಗೆ ಬಳೆದ ಶೋಕಾನಳನಂ: ಆದಿಪು, ೩. ೪೯)

ಅಚ್ಛಾಂಬು

[ನಾ] ಶುದ್ಧವಾದ ನೀರು (ವನಕುಸುಮಸ್ತಬಕದ ನೆೞಲಿನಿಸಚ್ಛಾಂಬುವಿನೊಳೆಸೆಯೆ: ಆದಿಪು, ೧೧. ೬೨)

ಅಚ್ಛೋದಕ

[ನಾ] (ಅಚ್ಛ+ಉದಕ) ನಿರ್ಮಲವಾದ ನೀರು, ತಿಳಿನೀರು (ಕರಿಯೂಥಪತಿಗಳೆರಡುಂ ಸರಸೀಜಳಮಂ ವಿಳಾಸದಿಂ ಪುಗುವವೊಲಾದರದಿಂದೆ ಪೊಕ್ಕು ತುಳುಕಿದರ್ ಅರವಿಂದರಜಃಪಿಶಂಗಿತಾಚ್ಛೋದಕಮಂ: ಆದಿಪು, ೧೪. ೧೦೬)

ಅಚ್ಯುತೇಂದ್ರ

[ನಾ] [ಜೈನ] ಅಚ್ಯುತಕಲ್ಪದ ಇಂದ್ರ (ಅಚ್ಯುತೇಂದ್ರನೊಡನೆ ನಿಜಪೂಜಾವಿಳಾಸಮಂ ಮೆಱೆಯಲೆಂದು ಪೋಗಿ: ಆದಿಪು, ೨. ೭೭ ವ)

ಅಜ

[ನಾ] ಆದಿಜಿನ (ನಿಜಮಕುಟಮಣಿಮರೀಚಿಯಿಂ ಅಜನ ಪದಾಂಬುಜದ ಕೆಂಪನಿರ್ಮಡಿಸಿ ಕುಲಧ್ವಜ ಬೆಸಸು ನಿನ್ನವೊಲೀ ಪ್ರಜಾಪತಿತ್ವಕ್ಕೆ ಮುನ್ನ ನೋಂತರುಮೊಳರೇ: ಆದಿಪು, ೮. ೬೩); [ನಾ] ಆಡು, ಮೇಕೆ (ಹರಿತಾಂಕುರ ಪಲ್ಲವ ಪತ್ರರಾಜಿಯಂ ಬಿಸುಟು ಶುಷ್ಕಪತ್ರಂಗಳನಾದರದಿಂ ಮೇವ ಅಜಕುಳಮಂ: ಆದಿಪು, ೧೫. ೩೫); [ನಾ] ಬ್ರಹ್ಮ (ಕೊಂದೆನ್ನ ಮಗನಂ ಇಂ ಭಯದಿಂದಂ ರಸೆವೊಕ್ಕುಂ ಅಜನ ಗುಂಡಿಗೆವೊಕ್ಕುಂ ಮಂದರಧರನ ಈ ಪೊರ್ಕುೞ ಪೊಂದಾವರೆವೊಕ್ಕು ಮೇಣವಂ ಬರ್ದುಕುವನೇ: ಪಂಪಭಾ, ೧೧. ೧೨೧); [ನಾ] ಹುಟ್ಟಿಲ್ಲದವನು, ಕೃಷ್ಣ (ಜಯದ್ರಥಂ ಇಕ್ಕುೞಿದು ಆರೊಳಂ ತೊಡಂಕವೇಡ ಎನುತುಂ ಅಜಂ ಮರುಜ್ಜವದೆ ಚೋದಿಸೆ: ಪಂಪಭಾ, ೧೧. ೧೪೫)

ಅಜಕುಕ್ಷಿ

[ನಾ] ಆಡಿನ ಹೊಟ್ಟೆಯಂತೆ ತೆಳ್ಳಗಿನ ಹೊಟ್ಟೆಯಿರುವ [ಆನೆ] (ಮಹಾವ್ಯೂಢೋರಸ್ಕನುಂ ವಿಪುಳೋಪಚಿಂತಾಂಸನುಂ ಸಮಪಾರ್ಶ್ವನುಂ ಅಜಕುಕ್ಷಿಯುಂ ಗೋಧೋತ್ರಿಷ್ಟನುಂ: ಆದಿಪು, ೧೨. ೫೬ ವ)

ಅಜಗರ

[ನಾ] ಹೆಬ್ಬಾವು (ಅವಧಿಜ್ಞಾನಿಗಳಂ ಕಂಡು ಅಜಗರ ವೃತ್ತಾಂತಮಂ ಬೆಸಗೊಂಡು: ಆದಿಪು, ೨. ೧೫ ವ)

ಅಂಜನ

[ನಾ] (ಆ ರಥದೊಳ್ ಒಡಂಬಡೆ ಪೂಡಿದ ನಾಲ್ನೂಱು ಗೊಂಕುಱುಗೞ್ತೆಯುಂ ಅಂಬರಸ್ಥಲಮನಡರ್ವ ಗೃಧ್ರಧ್ವಜಮುಂ ಅಂಜನಪುಂಜದಂತಾಗಿ: ಪಂಪಭಾ, ೧೨. ೭ ವ)

ಅಂಜನಪುಂಜ

[ನಾ] ಕಾಡಿಗೆಯ ಮುದ್ದೆ (ಅಂಜನಪುಂಜದಂತಪ್ಪ ಮೆಯ್ಯುಂ ಸಿಡಿಲಂ ಅಡಸಿದಂತಪ್ಪ ದಾಡೆಯುಂ ಉರಿಯ ಉರುಳಿಯಂತಪ್ಪ ಕಣ್ಣುಂ ಕೃತಾಂತನಂತೆ ಆಕಾರಮಾಗಿ: ಪಂಪಭಾ, ೪. ೪೨ ವ)

ಅಜನಿಸು

[ಕ್ರಿ] ಕೀಳ್ಮಾಡು, ತಿರಸ್ಕರಿಸು (ಎನ್ನಿಂದ ಅಜನಿಸಿ ನುಡಿಯಿಸಿದುವು ಅಹಿಧ್ವಜನೋವದೆ ಮುನ್ನೆ ನೆಗೞ್ದ ದುಶ್ಚರಿತಂಗಳ್: ಪಂಪಭಾ, ೯. ೨೧)

ಅಜಮುಖವ್ಯಾಘ್ರ

[ನಾ] ಮೇಕೆ ಮುಖದ ಹುಲಿ, ಕಪಟಿ (ಈತಂ ಅಜಮುಖವ್ಯಾಘ್ರಂ ಶ್ವೇತಕೃಷ್ಣಕಾರಕಂ ಈತನ ಮಾತು ಮಾತಲ್ಲ: ಪಂಪಭಾ, ೫. ೭೨ ವ)

Search Dictionaries

Loading Results

Follow Us :   
  Download Bharatavani App
  Bharatavani Windows App