भारतीय भाषाओं द्वारा ज्ञान

Knowledge through Indian Languages

Dictionary

Pampana Nudigani (Kannada)

Kamadhenu Pustaka Bhavana

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

ಎಮ್ಮಾಳ್ವ

[ಗು] ನಾವು ಆಳುವ (ರಪಣಮಂ ತೋಱಿಯುಂ ಒತ್ತೆಯಂ ಉಗ್ಗಡಿಸಿಯುಂ ಆಡಿಂ ಎನೆ ಪೆಱತೇನುಪಾಯಮಿಲ್ಲದೆ ಎಮ್ಮಾಳ್ವ ನೆಲನೊತ್ತೆಯೆಂದೊಡೆ: ಪಂಪಭಾ, ೭. ೩ ವ)

ಎಮ್ಮುಳ್ಳದು

[ಗು] ನಮ್ಮಲ್ಲಿರುವುದು (ಎಮ್ಮುಳ್ಳುದಂ ನೆಱೆ ಕೊಂಡು ಎಮ್ಮಯ ಬಾೞ್ವೆಯೊಳ್ ನಿಱಿಸುವಂ ನೀಂ ಎಂದು ತಂದಿತ್ತು ಕೆಯ್ಸೆಱೆಯಿಂ ಕೊಟ್ಟು ಅಳವಟ್ಟ ಸಾರಧನಮಂ: ಪಂಪಭಾ, ೬. ೩೦)

ಎಮ್ಮೆವೋಱಿ

[ನಾ] [ಎಮ್ಮೆ+ಪೋಱಿ] ಕೋಣ (ಎರಡೆಮ್ಮೆವೋಱಿಯೊಳ್ ಪೂಡಿದ ಪನ್ನಿರ್ಕಂಡುಗದಕ್ಕಿಯ ಕೂೞುಮಂ ಅದರ್ಕೆ ತಕ್ಕ ಪರಿಕರಮುಮಂ ಒರ್ವ ಮಾನಸಂ ಕೊಂಡು ಪೋಪಂ: ಪಂಪಭಾ, ೩. ೨೫ ವ)

ಎಯ್

[ನಾ] ಮುಳ್ಳುಹಂದಿ, ಎಕ್ಕಲ (ಅಡಂಗಿ ಪರಿವ ಪುಲಿಗಳುಮಂ ಸೋಂಕಿ ಪರಿವ ಎಯ್ಗಳುಮಂ ತಡಂಮೆಟ್ಟಿ .. .. ಪಲವನೆಚ್ಚು: ಪಂಪಭಾ, ೫. ೪೮ ವ)

ಎಯ್ತರ್

[ಕ್ರಿ] ಸಮೀಪಿಸು (ನೆನೆದಾಗಳ್ ನಿಜನಂದನೋಪಕೃತಮಂ ತದ್ದೇವನೆಯ್ತಂದು ದೇವನಿಕಾಯಂ ಬೆರಸಪ್ಪಿಕೊಂಡು: ಆದಿಪು. ೨. ೧೮)

ಎಯ್ದಿಸು

[ಕ್ರಿ] ತಲುಪುವವಂತೆ ಮಾಡು (ತನ್ನ ದುಸ್ಸಹಾವಸ್ಥಾಂತರಮನಱಿಪಿ ನೀನೆನ್ನಂ ನಿನ್ನ ಗಗನಗಾಮಿನೀವಿದ್ಯೆಯಿಂ ಉತ್ತರಕುರುವನೆಯ್ದಿಸು .. .. ಎಂದು ನಿಜನಂದನಂಗೆ ಪೇೞ್ದೊಡೆ: ಆದಿಪು, ೨. ೧೪ ವ); [ಕ್ರಿ] ಸಾಗಿಸು (ಅಯ್ದನೆಯ ಜಲಧಿವರಮಿರದೆಯ್ದುವ ಮೊಗೆವಂತೆ ಮೊಗೆದುಂ ಓರೊರ್ಬರ ಕೈಗೆಯ್ದಿಸುವ ಬೇಗಮಂ: ಆದಿಪು, ೭. ೮೩)

ಎಯ್ದು

[ಕ್ರಿ] ಹೊಂದು, ಪಡೆ (ಉದ್ಘಪಯೋಧರೆಯ ಮನೋಜರಾಗರಸಪೂರಿತ ಬಿಂಬಾಧರೆಯ ಕಂಬುಕಮ್ರ ಶಿರೋಧರೆಯ ಬೆಡಂಗಂ ಆರುಮೇನೆಯ್ದುವರೇ: ಆದಿಪು, ೪. ೪೬); [ಕ್ರಿ] ಪ್ರಾಪ್ತವಾಗು (ಇದು ಸಹಜಂ, ಅನ್ನೆಗಂ ಎಯ್ದುಗುಂ ಎನ್ನೆಗಮುದಾತ್ತಮುಕ್ತಿಶ್ರೀಯಂ: ಆದಿಪು, ೯. ೫೨) [ಕ್ರಿ] ತಲುಪು, ಸೇರು (ಉತ್ತುಂಗಮಂ ಮುನಿಮುಖ್ಯಮುಖಾಂಭೋಜೋದರ ನಿರ್ಗತ ಮಂತ್ರಪೂತಾಂಗಮಂ ನೃಪನೆಯ್ದಿದಂ ಉದ್ಯತ್ ಶೃಂಗಮಂ ಶತಶೃಂಗಮಂ: ಪಂಪಭಾ, ೧. ೧೧೫); [ಕ್ರಿ] ವಾಪಸ್ಸು ಬರು (ತಱಿದೊಟ್ಟಿ ವೈರಿಗಳಂ ಎನ್ನ ಅಸುವುಳ್ಳಿನಂ ಎಯ್ದುವೈ ಗಡಾ: ಪಂಪಭಾ, ೧೩. ೧೦೫)

ಎಯ್ದೆ

[ನಾ] ಅಯ್ದೆ [ಸುಮಂಗಲಿ] (ತಳಿರ್ಗಳಸಂ ಮುಕುಂದ ರವಂ ಎತ್ತಿದ ಮುತ್ತಿನ ಮಂಟಪಂ ಮನಂಗೊಳಿಪ ವಿತಾನಪಙ್ಕ್ತಿ ಪಸುರ್ವಂದಲೊಳ್ ಒಲ್ದು ಎಡೆಯಾಡುವ ಎಯ್ದೆಯರ್: ಪಂಪಭಾ, ೧. ೧೦೭); [ಕ್ರಿವಿ] ಐದೆ, ಚೆನ್ನಾಗಿ (ಧರಾತಳಮಂ ಒಲ್ಲಣಿಗೆಯಂ ಪಿೞಿವಂತೆ ತಳಂ ಎಯ್ದೆ ಸುರುಳ್ವಿನಂ ಮುಯ್ಯೇೞು ಸೂೞ್ ಪಿೞಿದ ಸಾಹಸಮುಂ: ಪಂಪಭಾ, ೧೨. ೪೮ ವ)

ಎಯ್ದೆ ಪಾಯ್

[ಕ್ರಿ] ಮುಟ್ಟುವಂತೆ ನುಗ್ಗು (ದೆಸೆಗೆತ್ತಂ ಗಜಱುತ್ತುಮಿರ್ಪ ಪುಲಿಯಿಂ ನೀಳಾಭ್ರಮಂ ದಂತಿಗೆತ್ತು ಸಿಡಿಲ್ದು ಆಗಸಕೆ ಎಯ್ದೆ ಪಾಯ್ವ ಪಲವುಂ ಸಿಂಗಂಗಳಿಂದೆತ್ತಗುರ್ವಿಸಿ: ಪಂಪಭಾ, ೭. ೨೬)

ಎಯ್ದೆವರ್

[ಕ್ರಿ] ಸಮೀಪಿಸು (ಗಂಗಾಜಲಕ್ರೀಡಾಸಕ್ತಚಿತ್ತನಾಗಿ ತತ್ಪರಿಸರಪ್ರದೇಶಮಂ ಎಯ್ದೆವಂದು: ಆದಿಪು, ೧೧. ೧೩೯ ವ)

ಎರಡಂ ನುಡಿ

[ಕ್ರಿ] ಎರಡು ಮಾತನ್ನಾಡು, ಮಾತಿಗೆ ತಪ್ಪು (ಕಿಡುಗುಮೆ ರಾಜ್ಯಂ ರಾಜ್ಯದ ತೊಡರ್ಪದೇವಾೞ್ತೆ ನನ್ನಿಯ ನುಡಿಯಂ ಕಿಡೆ ನೆಗೞೆ ನಾನುಮೆರಡಂ ನುಡಿದೊಡೆ ಹರಿಹರಹಿರಣ್ಯಗರ್ಭರ್ ನಗರೇ: ಪಂಪಭಾ, ೧. ೮೨)

ಎರಡಱಿ

[ಕ್ರಿ] ಬೇರೆ ಯೋಚಿಸು (ಅಱಿವಂ ಮೆಱೆದು ಎರಡಱಿಯದ ತಱಿಸಲವು ಅಮರ್ದಿರೆ ಸುಧರ್ಮಮುನಿಪದ್ಮಕ್ಕೆಱಗಿ ಜಿನರೂಪಮೆಂಬೊಂದಱ ಅಡಿವಿಡಿದು: ಆದಿಪು, ೩. ೫೧); [ಕ್ರಿ] ಕಪಟ ತಿಳಿ (ತನಗೆರಡಱಿಯದೆ ಒಲ್ದ ನಲ್ಲಳಂ ಏತಱೊಳಪ್ಪೊಡಂ ಏವಮಂ ಮಾಡದೆ: ಪಂಪಭಾ, ೪. ೯೨ ವ)

ಎರಡಿರು

[ಕ್ರಿ] ಇಬ್ಬಗೆಯಾಗು, ದ್ರೋಹ ಬಗೆ (ಮಱುಗುವೆನಾನಿವಳ್ಗೆ ಇವಳ್ ಅವಂಗೆರಡಿಲ್ಲದೆ ನಲ್ಲಳ್: ಆದಿಪು, ೧೨. ೨೯)

ಎರಡು

[ನಾ] ಕಾರ್ಯ ಅಕಾರ್ಯ ಅಥವಾ ಪಾಪ ಪುಣ್ಯ (ಪರಿಕಿಪುದು ಒಂದಱಿಂದೆ ಎರಡಂ ಓತುಕೊಳ್ವುದು ಮೂಱಱಿಂದೆ ನಾಲ್ಕರಿದಱಿದು ಅಯ್ದಱಿಂದೆ ನೆಱೆ ಕಲ್ವುದು ನಿರ್ಣಯಂ ಆಱಱೊಳ್ ಪರಿಣತನಪ್ಪುದು ಏೞಱೊಳಂ ಒಂದದೆ ನಿಲ್ವುದು: ಪಂಪಭಾ, ೧೩. ೬೬)

ಎರಡುಂ ಕಾಲ

[ನಾ] [ಜೈನ] ಮಧ್ಯಮಖಂಡದಲ್ಲಿನ ಮುಖ್ಯ ಮತ್ತು ವ್ಯವಹಾರ ಎಂಬ ಎರಡು ಬಗೆಯ ಕಾಲಗಣನೆ (ಭರತಕ್ಷೇತ್ರಮಧ್ಯ ಮಧ್ಯಮಖಂಡದೊಳ್ ಮುಖ್ಯ ವ್ಯವಹಾರಮೆಂಬೆರಡು ಕಾಲದೊಳಗೆ ಆದಿಮಧ್ಯಾವಸಾನ ವಿರಹಿತಮುಂ: ಆದಿಪು, ೬. ೪೮ ವ)

ಎರಲೆ

[ನಾ] ಜಿಂಕೆ (ಎರಲೆಗೆ ಪಾಡುವ ಗೋರಿಯಂ ಅರಣ್ಯದೊಳ್ ಮೃಗವಿರೋಧಿಗಂ ಪಾಡುವುದೇ: ಆದಿಪು, ೧೪. ೮೦); [ನಾ] ವಿಷಕ್ರಿಮಿ (ಅರಗಿನ ಮನೆಯೊಳ್ ಪಾಂಡವರ್ ಉರಿದು ಅೞ್ಗಿದರ್ ಅಕ್ಕಟ ಅಯ್ಯೊ ದುರ್ಯೋಧನನೆಂಬ ಎರಲೆಯಿಂ ಎಂದು ಅೞುತುಂ ತತ್ಪುರಜನಂ ಅೞಲ್ ಒದವೆ ಪರಿದು ನೋಡಿತ್ತಾಗಳ್: ಪಂಪಭಾ, ೩. ೮); [ನಾ] ಗಂಡು ಜಿಂಕೆ (ಸೂಚಮನುರ್ಚಿ ಪುಲ್ಲೆಗಾಟಿಸಿ ಮಲೆತರ್ಪೆರಲೆಯ ಸೋಲಮಂ ಅೞ್ತಿಯೊಳ್ ಅರಿಕೇಸರಿ ನಿಂದು ನೋೞ್ಪುದೊಂದರಸಲ್ತೇ: ಪಂಪಭಾ, ೫. ೪೪)

ಎರೞ್ಖಂಡ

[ನಾ] ಎರಡು ತುಂಡು (ಅದಂ ಎರೞ್ಖಂಡಮಪ್ಪಿನಂ ಆಖಂಡಳತನಯಂ ಇಸುವುದುಂ ತನ್ನ ಬಾಲಂಬೆರಸು ಉರಿಯೊಳ್ ಮಿಡುಕುತಿರ್ದ ಜನನಿಯಂ: ಪಂಪಭಾ, ೫. ೯೯ ವ)

ಎರೞ್ತಂಡ

[ನಾ] ಎರಡು ತಂಡ ಅಥವಾ ಸೈನ್ಯಗಳು (ಎನ್ನನೆ ನಚ್ಚಿದಂ ಅನುವರಕೆ ಎನ್ನನೆ ಪೂಣಿಸಿದಂ ಎನಗೆ ಎರೞ್ತಂಡಮುಂ ಓರನ್ನರೆ: ಪಂಪಭಾ, ೧೦. ೧೨)

ಎರೞ್ನುಡಿ

[ನಾ] ಎರಡು ನುಡಿ, ಮಾತಿಗೆ ತಪ್ಪು (ಎಡೆಗೆಯ್ ಗೆಲಲ್ ಆರ್ತರ್ಗೆ ಎರೞ್ನುಡಿಯದಿರ್ ಎಂದು ಒಡಂಬಡಿಸಿದಂ ಹಳಿಯಂ ನಯದಿಂ ವೃಕೋದರಂ: ಪಂಪಭಾ, ೧೩. ೯೧)

ಎರೞ್ಬಗಿ

[ನಾ] ಎರಡು ಭಾಗ (ಆ ಪಡೆ ಕಣ್ಬಡೆದಂತೆ ಸೋಪಾನಾಂತರದೊಳ್ ಇೞಿದು ಎರೞ್ಬಗಿಯಾಗಿ ಸಿಂಧುವಿನೆರಡುಂ ತಡಿಯೊಳಂ: ಆದಿಪು, ೧೩. ೫೦ ವ)

Search Dictionaries

Loading Results

Follow Us :   
  Download Bharatavani App
  Bharatavani Windows App