भारतीय भाषाओं द्वारा ज्ञान

Knowledge through Indian Languages

Dictionary

Pampana Nudigani (Kannada)

Kamadhenu Pustaka Bhavana

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

ಎಱಂಕೆ

[ನಾ] ರೆಕ್ಕೆ (ಭೋಂಕನೆ ಪಾಯ್ದು ಎಱಂಕೆ ನಾಂದೊಡೆ ಜಿನುಂಗಿ ನೆಲಸಿದುದು ವಿಕಚಕನಕಾಬ್ಜಿನಿಯೊಳ್: ಆದಿಪು, ೧೧. ೬೨)

ಎಱಗಿಸು

[ಕ್ರಿ] ನಮಸ್ಕರಿಸುವಂತೆ ಮಾಡು (ಭವಭಯಹರ ಭರತನನೆಮಗವಯವದೆ ಎಱಗಿಸುವ ತಪಮನೀಗಳೆ ದಯೆಗೈ: ಆದಿಪು, ೧೪. ೩೭)

ಎಱಗು

[ಕ್ರಿ] ಮನಸೋಲು (ಮನಮಂ ಅಳಿಗಳ ಬಳಗಂ ಜಗದ ಮನದೊಡನೆ ಸೇವಂತಿಗೆಗಂ ಗೊಜ್ಜಗೆಗಂ ಅಲ್ಲದೆ ಏನೆಱಗುಗುಮೇ: ಆದಿಪು, ೧೧. ೧೨೫); [ಕ್ರಿ] ಬಾಗು (ಗಱಿಸನ್ನೆಗೆಯ್ದು ತೆಗೆನೆಱೆದು ಎಱಗಿ ಪರಂಕಲಿಸಿ ಪರ್ವಿ ಕೂಕಿಱಿದು ಇಸೆ ಕೆಂಗಱಿಯ ಮೊನೆಯಂಬುಗಳ್ ಕಣ್ದೆಱೆಯಿಸಿದುವು ಪೊಣರ್ವ ಬಿಲ್ಲ ಕಡುವಿತ್ತೆಗರಂ; ಪಂಪಭಾ, ೧೦. ೭೩); [ಕ್ರಿ] ಮೇಲೆ ಬೀಳು (ಎಡೆವಱದೊಳ್ ಎಱಗಿ ಬಱಸಿಡಿಲ್ ಇಡುಮುಡುಕನೆ ಪೊಡೆದುದೆನಿಸಿ ಪಾಂಡ್ಯನ ರಥದ ಅಚ್ಚು ಉಡಿದು ಅೞ್ಗಿತೞ್ಗೆ ಕೊಂಡುವು ಕಡುಗೂರಿದುವೆನಿಪ ಗುರುತನೂಜನ ಕಣೆಗಳ್: ಪಂಪಭಾ, ೧೨. ೮೨); [ಕ್ರಿ] ಒಲಿ, ಆಯ್ಕೆಮಾಡು (ಕಲಹಂ ಅಪಾಯಬಹುಳಂ ಇನ್ನುಂ ನಯದತ್ತ ಎಱಗುವೊಡೆ ಸಂಧಿ ಹರಿಗನೊಳ್ ಉಱುಗುಂ: ಪಂಪಭಾ, ೧೩. ೨೩)

ಎಱಪು

[ಕ್ರಿ] ಬಾಗು (ಒಲ್ದು ಎಱಪಂತೆ ತಳ್ತ ಪೂವಿನ ಪೊಸಗೊಂಚಲಿಂ ಮರನಿದೇನೆಸೆದಿರ್ದುವೊ: ಪಂಪಭಾ, ೧. ೧೧೬); [ಕ್ರಿ] ಮೇಲೆ ಬೀಳು (ಬಱಸಿಡಿಲ್ ಎಱಪಂತಿರೆ ಬಂದೆಱಗಿದರಂ ತಳ್ತು ಬಾಳ ಕೀೞ್ಮೊನೆಯಿಂ ತಳ್ತಱದಱಿದು: ಪಂಪಭಾ, ೧೦. ೮೨)

ಎಱೆ

[ಕ್ರಿ] ಮೀರು (ಇನಿಸು ಪೊೞ್ತುಂ ತನ್ನಂ ಮಱೆದಿರಲಕ್ಕುಮೆ ತಳರದೆ ತಱಿಸಲದೆ ಇನ್ನೆಱೆದುಂ ಅಱಿದುಂ ಇರ್ಪುದೆ ಚದುರಂ: ಆದಿಪು, ೪. ೭೬); [ನಾ] ಆಧಿಪತ್ಯ (ನನೆಯಂಬನೆ ಕರ್ಚಿ ಪಾಱಿದಪುದೋ ಶೃಂಗಾರವಾರಾಶಿ ಭೋಂಕನೆ ಬೆಳ್ಳಂಗೆಡೆದತ್ತೊ ಕಾಮನ ಎಱೆ ಮೆಯ್ವೆರ್ಚಿತ್ತೊ ಪೇೞ್ ಈಕೆಗೆ ಎಂಬಿನಂ: ಪಂಪಭಾ, ೪. ೪೨); [ಕ್ರಿ] ಸುರಿ, ಹೊಯ್ಯಿ (ಮಂಗಳತೂರ್ಯನಾದಂ ಎಸೆಯುತ್ತಿರ್ಪನ್ನೆಗಂ ಚಕ್ರಿ ರಾಗಿಸಿ ಕೆಯ್ನೀರ್ ಎಱೆದಂ ಗುಣಾರ್ಣವ ಮಹೀಪಾಲಂಗಂ ಆ ಕನ್ನೆಯಂ: ಪಂಪಭಾ, ೫. ೨೫)

ಎಱೆಪು

[ಕ್ರಿ] ಹೇಳು (ಪಡಿಯಱಂ ಬಂದು ಆ ಮಾೞ್ಕೆಯೊಳ್ ಎಱೆಪೆ ದ್ರೋಣಂ ಒತ್ತಂಬದಿಂದ ಒಳಗಂ ಪೊಕ್ಕು: ಪಂಪಭಾ, ೨. ೪೭ ವ)

ಎಱೆಯ

[ಕ್ರಿ] ಒಡೆಯ, ಪ್ರಭು (ಅಱಿಯದೆ ತಂದೊಡಮೇಂ ಎಮ್ಮ ಎಱೆಯಂಗೆ ಅದಂ ಎಮ್ಮ ಕೆಯ್ಯೊಳಟ್ಟಿಂ ನೀಂ: ಪಂಪಭಾ, ೮. ೧೮); ಪ್ರೀತಿಪಾತ್ರ (ತನ್ನೆಱೆಯನೊಳೊಲ್ದು ಕೋಪಿಸುವ ಕಾಮಿನಿಗೀ ಮುನಿಸೊಂದೆ ಸಾಲದೇ: ಗಿರಿಜಾಕ, ೪. ೧೪೮)

ಎಱೆವಿಱನಾಗು

[ಕ್ರಿ] ಎರ್ರಾಬಿರ್ರಿಯಾಗು (ಬಂಬಲ ಬಾಡಿದ ತನುಲತೆಗಳುಂ ಎಱೆವಿಱನಾದ ತಲೆದುಡುಗೆಗಳುಂ: ಆದಿಪು, ೧೧. ೭೦ ವ);

ಎಲಗೆ

[ಅ] ಲೇ [ಸ್ತ್ರೀ ಸಂಬೋಧನೆ] (ನಿವೇದಿಸು ನಿಜಾಂತರಂಗಗತಮಪ್ಪುದಂ ನೀನಿದಂ ವಿವೇಕವಿಕಳರ್ಕಳಂತೆ ಎಲಗೆ ಚಿತ್ತದೊಳ್ ತಾಳ್ದುವೋ: ಆದಿಪು, ೩. ೩೨)

ಎಲರ್

[ನಾ] ಗಾಳಿ ಮತ್ತು ನರ್ತಕ (ಅವಳ್ದಿರ ಮಿಳಿರ್ವ ಒಳ್ಗರುಳ್ಗಳನೆ ಲೀಲೆಯಿನಾಡಿಸಿ ಪುಷ್ಪಕೇಸರಂ ತೆರಳೆ ತೆರಳ್ಚಿ ಬೀಸಿದುದು ತೆಂಬೆಲರ್ ಎಂಬ ಎಲರ್ ಅಪ್ಪಿಕೊಳ್ವವೋಲ್: ಆದಿಪು, ೨. ೬೫) [ನರಸಿಂಹಶಾಸ್ತ್ರಿಗಳು ನೀಡುವ ಅರ್ಥ]

ಎಲರ್ಚು

[ಕ್ರಿ] ಚೇತನಗೊಳ್ಳು (ಆ ಸತಿಯಿಕ್ಕಿದ ಕಣ್ಣ ನೀರ ಧಾರೆಗಳೊಳೆ ನಾಂದು ಎಲರ್ಚಿ ಪೊದಳ್ದು ಒರ್ಮೆಯೆ ಪಾಱಿದುವು ಉನ್ಮದಾಳಿಗಳ್: ಪಂಪಭಾ, ೫. ೧೦)

ಎಲೆ

[ಅ] ಲೋ [ಪುರುಷ ಸಂಬೋಧನೆ] (ವಿಷಯಾಮಿಷ ಲಂಪಟತೆಯೆ ವಿಷಧರನೆನಿಸಿದುದು ನಿನ್ನಂ ಎಲೆ ವಿಷಧರ ನೀಂ ವಿಷಧರನಾಗದೆ .. .. ನಿರ್ವಿಷನಾಗು: ಆದಿಪು, ೨. ೧೭)

ಎಲೆಮಿಡುಕು

[ಕ್ರಿ] ಎಲೆಯಂತೆ ಅಲ್ಲಾಡು (ಸಭಾಸದರೆಲ್ಲಂ ಎಲೆಮಿಡುಕದೆ ಪಂದೆಯಂ ಪಾವಡರ್ದವೊಲ್ ಉಸಿರದಿರೆ: ಪಂಪಭಾ, ೬. ೫೯ ವ)

ಎಲೆಯಿಕ್ಕು

[ಕ್ರಿ] ಚಿಗುರು (ಪೊಲಂ ಉಡುಗಿ ಬಂದುದು ಉಡಿದುದು ಪುಲ್ ಕಾಡುಂ ದಲ್ ಎಲೆಯಿಕ್ಕಿ ಘಳಿಲೆನೆ ನಿಂದುವು ತಣಿದುವು ಮೃಗಂಗಳ್ ಎತ್ತಲುಮೀಗಳ್: ಪಂಪಭಾ, ೫. ೩೭)

ಎಲೆವಳ್ಳಿ

[ನಾ] ವೀಳ್ಯದೆಲೆಯ ಬಳ್ಳಿ (ಸೊಗಯಿಸಿ ಬಂದ ಮಾಮರನೆ ತಳ್ತ ಎಲೆವಳ್ಳಿಯೆ ಪೂತ ಜಾತಿಸಂಪಗೆಯೆ ಕುಕಿಲ್ವ ಕೋಗಿಲೆಯೆ ಪಾಡುವ ತುಂಬಿಯೆ: ಪಂಪಭಾ, ೪. ೨೮)

ಎಲ್ಲಂದ

[ನಾ] ಎಲ್ಲ ಬಗೆಗಳು (ಎಲ್ಲಂದದಿಂ ಬಗೆದಾಗಳ್ ಅರಸರೊಳೆಲ್ಲ ಕೇಳ್ ನೀಂ ಬಲ್ಲೆ ಬೇಂಟೆಕಾಱರೊಳೆಲ್ಲವಾನೆ ಬಲ್ಲೆಂ: ಪಂಪಭಾ, ೫. ೪೩)

ಎಲ್ವಡಗಾಗು

[ಕ್ರಿ] [ಎಲ್ವು+ಅಡಗು] ಮೂಳೆ ಮಾಂಸವಾಗು, ಅಂದರೆ ಜಜ್ಜಿಹೋಗು (ಗೆಡೆವಚ್ಚಿರ್ವರ್ ಮನಗೊಂಡು ಒಡನೊಡನೆ ಓರಂತು ತಗುಳ್ದು ಝೇಂಕರಿಸಿದೊಡೆ ಎಲ್ವಡಗಾಗೆ ಮೋದಲೆಂದಿರ್ದ ಎಡೆಯೊಳ್ ಗುರು ತನ್ನ ಮಗನಂ ಎಡೆವುಗವೇೞ್ದಂ: ಪಂಪಭಾ, ೨. ೭೩)

ಎಲ್ವು

[ನಾ] ಎಲುಬು, ಮೂಳೆ (ಬಿಸುನೆತ್ತರ್ ನೆಣಂ ಅಡಗು ಎಲ್ವು ಸಮಸ್ತಂ ಸುರಿಯೆ ಕೈಗೆ ತೊವಲ್ ಉೞಿಯಲ್ ಅಗುರ್ವಿಸಿದುದು ತೀವಿದ ಗುಳ್ಳೆಯ ಪಸುಂಬೆಯಂ ಸೋರ್ಚಿದಂತೆ ತನು ಕೀಚಕನಾ: ಪಂಪಭಾ, ೮. ೭೭)

ಎವಗೆ ಆಗಿಪೆವು

ನಮಗೆ ವಶಮಾಡಿಕೊಳ್ಳುತ್ತೇವೆ (ಸೊಗಯಿಸುವ ತಮ್ಮ ಜವ್ವನದ ತಮ್ಮ ವಿಭೂತಿಯ ತಮ್ಮ ಚೆಲ್ವುಗಳ ವಿಲಾಸದ ಊರ್ಮೆಗಳೊಳ್ ಆವು ಎವಗೆ ಆಗಿಪೆವು: ಪಂಪಭಾ, ೧. ೧೦೬)

ಎವು

ಆಗಿದ್ದೇವೆ ಎಂಬರ್ಥದ ಪ್ರಥಮಾ ವಿಭಕ್ತಿ ವರ್ತಮಾನ ಕಾಲ ಬಹುವಚನದ ಆಖ್ಯಾತ ಪ್ರತ್ಯಯ (ನಾಮೆಲ್ಲಂ ಒಂದೆ ಗರುಡಿಯೊಳ್ ಓದಿದ ಮಾನಸರಪ್ಪೆವು: ಪಂಪಭಾ, ೯. ೪೮ ವ)

Search Dictionaries

Loading Results

Follow Us :   
  Download Bharatavani App
  Bharatavani Windows App