भारतीय भाषाओं द्वारा ज्ञान

Knowledge through Indian Languages

Dictionary

Pampana Nudigani (Kannada)

Kamadhenu Pustaka Bhavana

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

ಒಡನುಣ್ಣು

[ಕ್ರಿ] ಜೊತೆಗೆ ಊಟಮಾಡು, ಸ್ನೇಹದಿಂದಿರು (ಪಾಟಿಸುವೆಂ ಒಯ್ಯನೆ ಮುಳ್ಳೊಳೆ ಮುಳ್ಳಂ ಎಂದು ತಾನೀ ನಯದಿಂದೆ ಪೆರ್ಚಿ ಪೊರೆದು ಅೞ್ಕಱೊಳ್ ಅಂದು ಒಡನುಂಡನಲ್ಲನೇ: ಪಂಪಭಾ, ೯. ೬೭)

ಒಡನೆ ವರ್

[ಕ್ರಿ] ಜೊತೆಯಲ್ಲಿ ಬಾ (ಮುನಿಗಣೇಶ್ವರರೊಡನೆ ದಾಳಿವೂಗೊಯ್ವೊಡನೆ ವರ್ಪ ಗೋಳಾಂಗೂಳಂಗಳುಮಂ ನೋಡಿ ತಪೋವನದ ತಪೋಧನರ ತಪಃಪ್ರಭಾವಕ್ಕೆ ಚೋದ್ಯಂಬಟ್ಟು: ಪಂಪಭಾ, ೧. ೧೧೫ ವ)

ಒಡನೊಡನೆ

[ಅ] ಜೊತೆಜೊತೆಯಾಗಿ (ಗೆಡೆವಚ್ಚಿರ್ವರ್ ಮನಗೊಂಡು ಒಡನೊಡನೆ ಓರಂತು ತಗುಳ್ದು ಝೇಂಕರಿಸಿದೊಡೆ ಎಲ್ವಡಗಾಗೆ ಮೋದಲೆಂದಿರ್ದ ಎಡೆಯೊಳ್ ಗುರು ತನ್ನ ಮಗನಂ ಎಡೆವುಗವೇೞ್ದಂ: ಪಂಪಭಾ, ೨. ೭೩)

ಒಡನೋಡುವಡು

[ಕ್ರಿ] ಜೊತೆಯಲ್ಲಿ ನೋಡಲ್ಪಟ್ಟ (ಕಣ್ಮಲರ ಬೆಳ್ಪುಗಳ್ ಆಲಿಯ ಕರ್ಪಿನೊಳ್ ಪೊದಳ್ದು ಒಡನೋಡುವಟ್ಟ ಎನಗೆ ಸಂತಸಮಂ ಮಱುಕಕ್ಕೆ ಮಾಣ್ದೊಡೆ: ಪಂಪಭಾ, ೪. ೭೮)

ಒಡನೋದಿ

[ನಾ] ಜೊತೆಯಲ್ಲಿ ವಿದ್ಯಾಭ್ಯಾಸ ಮಾಡುವವನು (ಒಡನಾಡಿಯುಂ ಒಡನೋದಿಯುಂ ಒಡವಳೆದುಂ ಗುಳ್ಳೆಗೊಟ್ಟಿ ಬಟ್ಟು ಉಳಿಸೆಂಡುಂ ಪೊಡೆಸೆಂಡು ಇವಂ ಆಡುತ್ತ ಒಡವಳೆದರ್ ತಮ್ಮೊಳೆಳಸೆ ತಂತಂಗೆಡೆಗಳ್: ಪಂಪಭಾ, ೨. ೩೦)

ಒಡನೋದಿದಂ

[ನಾ] ಜೊತೆಗೆ ಓದಿದವನು, ಸಹಪಾಠಿ (ಎನ್ನೊಳೆ ಮುನ್ನೆ ಮಚ್ಚರಿಪನೇ ಒಡನೋದಿದಂ ಎಂಬ ಮೇಳದಿಂದ: ಪಂಪಭಾ, ೧೨. ೨೩)

ಒಡಂಬಡಂ

[ಕ್ರಿ] ಹೊಂದಿಕೊ (ವ್ಯೂಹದೊಳ್ ನಿಟ್ಟೆವಟ್ಟು ಮಣಿಮಯ ಮಂಡನಾಯೋಗದೊಳೊಡಂಬಟ್ಟ ಪಿಡಿಗಳುಮಂ: ಆದಿಪು, ೪. ೫೪ ವ); [ನಾ] ಒಪ್ಪಿಗೆ (ತದ್ವೃತ್ತಾಂತರಮೆಲ್ಲಮಂ ಅಱಿಪಿ ಹಿಡಿಂಬೆ ಡಂಬಮಿಲ್ಲದೆ ಭೀಮಸೇನಂಗೆ ಒಡಂಬಡಂ ನುಡಿಯೆ: ಪಂಪಭಾ, ೩. ೧೮ ವ)

ಒಡಂಬಡಂ ಪಡೆ

[ಕ್ರಿ] ಜೋಡಿಸಲ್ಪಡು (ಮಿಱುಮಿಱುಗುವ ತಲೆದುಡುಗೆಯುಂ ತಲೆದುಡುಗೆಯೊಳ್ ಒಡಂಬಡಂ ಪಡೆದು ಮಿಳಿರ್ದು ಪೊಳೆವ ಪೊಂದಳಿರುಂ: ಆದಿಪು, ೪. ೪೧ ವ)

ಒಡಂಬಡನೊಳಕೊಳ್

[ಕ್ರಿ] ಒಪ್ಪಿಗೆಯನ್ನು ಪಡೆ (ಉಡಮೊಗಮೆಂಬ ತಾವರೆಯ ನೀಳ್ದೆಸಳೊಳ್ ಮಱಿದುಂಬಿ ಪಾಯ್ದು ಒಡಂಬಡನೊಳಕೊಂಡು ಕಣ್ಮಲರ ಬೆಳ್ಪುಗಳ್ ಆಲಿಯ ಕರ್ಪಿನೊಳ್ ಪೊದಳ್ದು; ಪಂಪಭಾ, ೫. ೭೮)

ಒಡಂಬಡಂಬಡೆ

[ಕ್ರಿ] ಹೊಂದಿಕೆಯಾಗು, ಸೇರಿಕೊ (ವರ್ಣಕಂ ಕತೆಯೊಳ್ ಒಡಂಬಂಡಂಬಡೆಯೆ ಪೇೞ್ವೊಡೆ ಪಂಪನೆ ಪೇೞ್ಗುಂ; ಪಂಪಭಾ, ೧. ೧೧)

ಒಡಂಬಡಿಸು

[ಕ್ರಿ] ಅಳವಡಿಸಿಕೊ (ಈ ಮನುಜರ್ ಅಖಿಳಕರಣಗ್ರಾಮಮಂ ಒಂದೊಡಲೊಳ್ ಎಂತು ಒಡಂಬಡಿಸಿದರೋ: ಆದಿಪು, ೪. ೭೨); [ಕ್ರಿ] ಸೇರಿಸು, ಕೂಡಿಸು (ಬೆಳಗುವ ಕೈದೀವಿಗೆಗಳ ಬೆಳಗುಂ ತರತರದಿನೊಗೆವ ತಾರಗೆಗಳ ಗೊಂದಳಮುಂ ಇಳಾತಳದ ವಿಯತ್ತಳದ ವಿಳಾಸಮನದೇನೊಡಂಬಡಿಸಿದುದೋ: ಆದಿಪು, ೧೨. ೩); [ಕ್ರಿ] ಒಪ್ಪಿಸು (ಅಂತು ಅಚಲಿತಪ್ರತಿಜ್ಞಾರೂಢನಾದ ಗಾಂಗೇಯನಂ ಏಗೆಯ್ದುಮೊಡಂಬಡಿಸಲಾಱದೆ: ಪಂಪಭಾ, ೧. ೮೪ ವ); [ಕ್ರಿ] ಪಾಲಿಸು, ಅನುಸರಿಸು (ಮೆಯ್ಯೊಳ್ ಅೞ್ದು ಇಡಿದ ವಿಕರ್ಣಕೋಟಿಯೊಳ್ ಅಣಂ ನೆಲಮುಟ್ಟದೆ ನೋಡೆ ಬಿೞ್ದು ಒಡಂಬಡಿಸಿದಂ ಅಯ್ಯ ಶೌಚಗುಣದುನ್ನತಿಯಂ ಸುರಸಿಂಧುನಂದನಂ: ಪಂಪಭಾ, ೧೧. ೪೭)

ಒಡಂಬಡು

[ಕ್ರಿ] ಅನುಗುಣವಾಗು (ಆಕೆಯ ಬಗೆದ ಬಗೆಯೊಳೊಡಂಬಡುವಂತೆ ಕುಲಗಿರಿಗಳ ಬಿಣ್ಪುಮಂ ಧರಾತಳದ ತಿಣ್ಪುಮಂ: ಪಂಪಭಾ, ೧. ೧೩೯ ವ); [ಕ್ರಿ] ಒಪ್ಪು (ತೊಟ್ಟ ಎಕ್ಕವಡಂ ಮರವಿಲ್ ಕಟ್ಟಿದ ಪಣೆಕಟ್ಟು ಬೇಂಟೆವಱಿ ದೊರೆಯೊಳ್ ಒಡಂಬಟ್ಟ ಅಸಿಯ ಸುರಗಿ: ಪಂಪಭಾ, ೫. ೩೬); [ನಾ] ಶೋಭೆ (ಪಸುಗೆ ನೆಲಂ ಜಲಂ ಹಯದೊಡಂಬಡು ವಂಚನೆ ಕೇಣಂ ಆಸನಂ ಕೊಸೆ ದೆಸೆ ದಿಟ್ಟಿ ಮುಟ್ಟಿ ಕೆಲಜಂಕೆ ನಿವರ್ತನೆ ಕಾಣ್ಕೆ: ಪಂಪಭಾ, ೧೦. ೭೭); [ಕ್ರಿ] ಒಪ್ಪಿಕೊ, ಅನುಸರಿಸು (ಮಹಾಜಿಯಲ್ಲಿ ಮಾವಂ ತಾನೇನೆಂಬಂ ಅದಂ ಅಂತೆ ಮೀಱದೆ ಒಡಂಬಡು ನೀಂ ಎಂದು ಭೂಭುಜಂ ಪ್ರಾರ್ಥಿಸಿದಂ: ಪಂಪಭಾ, ೧೨. ೧೦೨); [ನಾ] ಒಪ್ಪಿಗೆ, ಹೊಂದಾಣಿಕೆ (ಒರ್ವರೊರ್ವರೊಳ್ ಮೂಗುದುಱಿಸಲಾಗದ ಕಡ್ಡಂ ಅವಗೆಂðಂತುಂ ಒಡಂಬಡಾಗದು: ಪಂಪಭಾ, ೧೨. ೧೦೩ ವ); [ಕ್ರಿ] ಜೊತೆಗೂಡು, ಒಂದಾಗಿ ಸೇರು (ಇರ್ದಾಗಳ್ ಒಳ್ಪಿನ ಪೆರ್ಮಾತಿನ ನನ್ನಿ ಬನ್ನದೊಳ್ ಒಡಂಬಟ್ಟಿರ್ಪುದಂ ಮಾೞ್ಪೆನೇ: ಪಂಪಭಾ, ೧೨. ೧೯೬)

ಒಡಮೆ

[ನಾ] ಧನ, ಒಡವೆ, ಆಸ್ತಿ (ನೀಮಿಂತು ಅಱಿಯುತ್ತುಂ ಪೆಱರೊಡಮೆಯಂ ಉಱೆ ಸೆಱೆವಿಡಿದಿರ್ಪಿರಿ ಇನ್ನರುಂ ಉರ್ವಿಯೊಳ್ ಒಳರೇ: ಪಂಪಭಾ, ೮. ೧೮)

ಒಡರಿಸು

[ಕ್ರಿ] ಉಂಟುಮಾಡು (ಜ್ಯೋತಿರ್ಲೋಕಂ ಇದೊಂದುಂಟೆಂಬ ವಿವೇಕಮಂ ಒಡರಿಸಿದುದು ಅಮರಸಮಿತಿಯ ಮನದೊಳ್: ಆದಿಪು, ೭. ೯೪); [ಕ್ರಿ] ಪ್ರಯತ್ನಿಸು (ಲವಣಾಂಭೋರಾಶಿ ತೂಳ್ದುಚ್ಚಳಿಸಲ್ ಒಡರಿಸಿತ್ತು ಈ ಧರಾಭಾಗಮಂ: ಆದಿಪು, ೧೨. ೮೮); [ಕ್ರಿ] ತೊಡಗು (ಅಂಭೋರುಹರಜಃಪಟಾವೃತವಾರಿಯಂ ಆ ನೃಪತಿ ಕುಡಿಯಲ್ ಒಡರಿಸಿದಾಗಳ್: ಪಂಪಭಾ, ೮. ೪೬); [ಕ್ರಿ] ನಿರ್ಧರಿಸು (ನಿನ್ನಂಬಿಕೆ ಪಡೆಮಾತೇಂ ಕೊಂತಿ ಹರಿಯ ಮತದಿಂ ಕಾಯಲ್ಕೊಡರಿಸಿ ಬಂದಳ್ ಸುತರಂ: ಪಂಪಭಾ, ೯. ೭೮)

ಒಡರ್ಚು

[ಕ್ರಿ] ಆರಂಭಿಸು (ದರಹಸಿತಾನನಾಬ್ಜಂ ಆವುದು ನಿಮಗಾನಂದಂ ಅದು ಅಕ್ಕೆ ಎನೆ ನುತಸುರವೃಂದಂ ಸಂಗೀತಕ್ಕೊಡರ್ಚಲೆವೇೞ್ದಂ: ಆದಿಪು, ೯. ೧೩); [ಕ್ರಿ] ತೊಡಗು (ವರ್ಣಕಂ ಕತೆಯೊಳಂಬಡಂ ಪಡೆಯೆ ಪೇೞ್ವೊಡೆ ಪಂಪನೆ ಪೇೞ್ಗುಮೆಂದು ಪಂಡಿತರೆ ತಗುಳ್ದು ಬಿಚ್ಚಳಿಸೆ ಪೇೞಲೊಡರ್ಚಿದೆನೀ ಪ್ರಬಂಧಮಂ: ಪಂಪಭಾ, ೧. ೧೧)

ಒಡಲಳವಿ

[ನಾ] ಒಡಲ ಅಳವಿ, ದೇಹದ ಅಳತೆ (ಕುಲಗಿರಿ ಕೆಡೆವಂತೆ ಅಯ್ಗಾವುದು ನೆಲಂ ಒಡಲಳವಿಯಾಗೆ ಬಿೞ್ದಿರ್ದ ಘಟೋತ್ಕಚನ ಸಾವಿಂಗೆ ಕರಮೞಲ್ದು: ಪಂಪಭಾ, ೧೨. ೧೫ ವ)

ಒಡಲುರಿ

[ನಾ] [ವಿರಹತಾಪದಿಂದ] ಮೈ ಸುಡು (ಅತ್ತ ಸುಭದ್ರೆಯುಂ ಒಡಲುರಿಯುತ್ತಿರೆ ಮರವಟ್ಟು ವಿಜಯನಿರ್ದತ್ತಲೆ ನೋಡುತ್ತಿರೆ: ಪಂಪಭಾ, ೪. ೫೪)

ಒಡಲ್

[ನಾ] ಶರೀರ (ಪಡೆದರ್ ತಾಯುಂ ತಂದೆಯುಂ ಒಡಲಂ ಪ್ರಾಣಮುಮಂ ಅವು ಅವರವು ಕೆಯ್ಯೆಡೆಯಂ ಕುಡುವುದು ಅರಿದಾಯ್ತೆ: ಪಂಪಭಾ, ೯. ೮೧)

ಒಡವಡೆ

[ಕ್ರಿ] [ಒಡಂ ಪಡೆ] ಕೂಡಿಯೇ ಪಡೆ (ಪಡೆದೊಡೆ ಕಂಪಂ ಬಣ್ಣಬಡೆಯವು ಬಣ್ಣಮನೆ ಪಡೆದುವಪ್ಪೊಡೆ ಕಂಪಂ ಪಡೆಯವು ಉೞಿದ ಅಲರ್ಗಳ್ ಎರಡುಮಂ ಒಡವಡೆದ ಈ ಚಂಪಕಕ್ಕೆ ಪೂಗಳ್ ದೊರೆಯೇ: ಆದಿಪು, ೧೧. ೧೧೮)

ಒಡವರಿ

[ಕ್ರಿ] ಜೊತೆಯಾಗಿ ಹರಿ (ನೆತ್ತರ ತೆರೆಗಳ್ ಸುೞಿಸುೞಿದು ಒಡಬರಿದುವು ಕಲ್ವೞಿಯೊಳ್ ಭೋರ್ಗರೆದುಪರಿವ ತೊಱೆಗಳ ತೆಱದಿಂ: ಪಂಪಭಾ, ೧೧. ೩೬)

Search Dictionaries

Loading Results

Follow Us :   
  Download Bharatavani App
  Bharatavani Windows App