भारतीय भाषाओं द्वारा ज्ञान

Knowledge through Indian Languages

Dictionary

Pampana Nudigani (Kannada)

Kamadhenu Pustaka Bhavana

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

ಚರ್ಮರತ್ನ

[ನಾ] [ಜೈನ] ಶ್ರೀಗೃಹದಲ್ಲಿ ಹುಟ್ಟಿದ ಚಕ್ರವರ್ತಿಯ ರತ್ನಗಳಲ್ಲಿ ಒಂದು (ಶ್ರೀಗೃಹದೊಳ್ ಪುಟ್ಟಿದ ನಿಧಿ ಮಣಿ ಚರ್ಮ ಕಾಕಿಣೀರತ್ನಂಗಳುಂ: ಆದಿಪು, ೧೫. ೩ ವ)

ಚರ್ಯಾಪರ್ಯಟನ

[ನಾ] [ಜೈನ] ಚರ್ಯೆಗಾಗಿ ಮಾಡುವ ತಿರುಗಾಟ (ಆ ಮುನೀಶ್ವರಂಗೆ ನಿಖಿಳಜಗಜ್ಜನಾಶ್ಚರ್ಯ ಚರ್ಯಾಪರ್ಯಟನದೊಳ್ ಮತ್ತಮಱುದಿಂಗಳ್ ಪೋಗೆ: ಆದಿಪು, ೯. ೧೨೯ ವ)

ಚರ್ಯಾಮಾರ್ಗ

[ನಾ] [ಜೈನ] ಚರಿಗೆಗಾಗಿ ಹೋಗುವ ಉದ್ದೇಶ (ಚರ್ಯಾಮಾರ್ಗದೊಂದಂದಮಂ ಧರೆಯೊಳ್ ಮಾರ್ಗವಿಬೋಧನಾರ್ಥಂ ಅಱಿಯಲ್ಕೆಂದೆತ್ತಿ ಕೆಯ್ಯಂ: ಆದಿಪು, ೯. ೧೨೪)

ಚರ್ವಿತ

[ಗು] ಅಗಿಯಲ್ಪಟ್ಟ (ಕರಾಳನಕ್ರಚರ್ವಿತ ನಿಕೀರ್ಣ ನಿರಯಜನಿಕುರುಂಬ ಶಲ್ಯಶಕಲಪರಿಪೂರಿತ ಧವಳಪ್ಲವ ದುರ್ನಿರೀಕ್ಷಣವಿಷಮೆಯುಂ: ಆದಿಪು, ೫. ೮೭ ವ)

ಚರ್ವಿತಚರ್ವಣ

[ನಾ] ಅಗಿದದ್ದನ್ನೇ ಅಗಿಯುವುದು, ಪುನರುಕ್ತಿ (ನಿಚ್ಚಂ ನಿಚ್ಚಮೀ ಪಿಷ್ಟಪೇಷಣ ಚರ್ವಿತಚರ್ವಣಂ ಸುಖಮಿದೇಂ ನಿನ್ನಂ ಮರುಳ್ಮಾಡಿತೋ: ಆದಿಪು, ೩. ೬೯)

ಚಲ

[ನಾ] ಅಂತಸ್ತು (ಒಡೆಯಂ ಕೂಸಿಂಗದೊಂದು ಕುಲದ ಚಲದ ಪೆಂಪೊಂದೆ ಚೆಲ್ವೊಂದೆ ಸಂದೊಳ್ನುಡಿಯೊಂದೇ: ಆದಿಪು, ೪. ೨೭); [ನಾ] ಹಟ (ಚಲಚಲದಿಂ ಉಱದೆ ಪಗೆವರ ತಲೆಗಳಂ ಅಱಿದಂದು ಬಂದು ಪಾಂಡುತನೂಜರ್ ತಲೆದೋಱೆರೆ: ಪಂಪಭಾ, ೯. ೪); [ನಾ] [ರಾಜನ] ಸ್ವಾಭಿಮಾನಸ್ಥಿರತೆ (ಚಲದೊಳ್ ದುರ್ಯೋಧನಂ ನನ್ನಿಯೊಳ್ ಇನತನಯಂ ಗಂಡಿನೊಳ್ ಭೀಮಸೇನಂ ಬಲದೊಳ್ ಮದ್ರೇಶಂ: ಪಂಪಭಾ, ೧೪. ೬೪)

ಚಲತ್

[ಗು] ಬೀಳುವ (ಸದ್ಯಃ ಸಂತಾಪಿತ ಲೋಹಪುತ್ರಿಕಾ ಪರಿರಂಭಸಂಭೃತ ಪ್ಲೋಷಚಲಜ್ಜಾಂಗಳ ಗಳತ್ ರುಧಿರ: ಆದಿಪು, ೫. ೮೭ ವ)

ಚಲಲ್ಲುಳಿತ

[ಗು] [ಚಲತ್+ಲುಳಿತ] ಹರಡಿಕೊಂಡು ಅಲುಗಾಡುವ (ಈ ಬರೆದ ಕಲ್ಪಂ ಈಶಾನಂ ಈ ಚಲಲ್ಲುಳಿತಕೇತನಂ ಸುರವಿಮಾನಂ ಆ ಶ್ರೀಪ್ರಭಂ: ಆದಿಪು, ೪. ೬)

ಚಲಾಚಲ

[ನಾ] ಮಿಂಚಿನಂತೆ ಚಂಚಲ (ನೆಲಸುಗೆ ನಿನ್ನ ವಕ್ಷದೊಳೆ ನಿಶ್ಚಳಮೀ ಭಟಖಡ್ಗಮಂಡಲೋತ್ಪಲವನ ವಿಭ್ರಮ ಭ್ರಮರಿಯಪ್ಪ ಚಲಾಚಲ ರಾಜ್ಯಲಕ್ಷ್ಮಿ: ಆದಿಪು, ೧೪. ೧೩೦) [ಈ ಪದದ ಸ್ಥಾನದಲ್ಲಿ ಟಿವಿವೆಂ ಆವೃತ್ತಿಯಲ್ಲಿರುವುದು ‘ಮನೋಹರಿ’ ಎಂಬ ಶಬ್ದ]

ಚಲ್ಲಣ

[ನಾ] ಚೆಡ್ಡಿ, ಅರ್ಧೋರುಕ (ಪಾಲ್ಗಡಲ ತೆರೆಯ ನೊರೆಯ ದೊರೆಯ ದುಕೂಲಾಂಬರದೊಳ್ ಇಂಬಾಗಿ ಚಲ್ಲಣಮನುಟ್ಟು ಪುಡಿಗತ್ತುರಿಯಂ ತಲೆಯೊಳ್ ತೀವೆ ಪೊಯ್ದು: ಪಂಪಭಾ, ೧೨. ೧೦೮ ವ)

ಚಲ್ಲವಾಡು

[ಕ್ರಿ] ಸರಸವಾಡು (ಚಲ್ಲವಾಡಿ ಪೂವೆತ್ತುವ ಮಾಲೆಗಾರ್ತಿಯರಂ ಅಂದು ಅರಿಕೇಸರಿ ನಿಂದು ನೋಡಿದಂ: ಪಂಪಭಾ, ೪. ೮೧)

ಚಲ್ಲವೊತ್ತ

[ನಾ] ಒಳ್ಳೆಯ ಮಾತಾಡಿ ನಂಬಿಸಿ ಹೊಟ್ಟೆ ಹೊರೆಯುವವನು (ನಾಡ ಚಲ್ಲವೊತ್ತರ ನುಡಿಗೊಳ್ಳದಿರ್ ನಿನಗೆ ಪಾಂಡವರಪ್ಪುದಂ ಆರುಂ ಅಪ್ಪರೇ: ಪಂಪಭಾ, ೯. ೪೨)

ಚಲ್ಲಿ

[ನಾ] ಚಲನೆ, ನೃತ್ಯದ ಒಂದು ಗತಿ (ಚರಣದ ಚಾರಿಯ ಚಲ್ಲಿಯ ಪರಿಕ್ರಮಕ್ರಮದ ಚಿತ್ತಮುಮಂ ನೆಗೞ್ವೆಡೆಯೊಳ್ ರಂಜಿಸಿದುದು: ಆದಿಪು, ೯. ೩೯)

ಚಳಣ

[ನಾ] ಕಾಲು, ಪಾದ (ಬಳಮೆರಡುಂ ತನ್ನನೆ ಮಿಳಮಿಳ ನೋಡೆ ನರೇಂದ್ರಂ ಒಂದೆ ರಥಧಿಂದ ಅಸುಹೃದ್ಬಳಮಂ ಇರದೆಯ್ದಿ ಭೀಷ್ಮರ ಚಳಣಯುಗಕ್ಕೆಱಗೆ ನಿನಗೆ ಜಯಮಕ್ಕೆ ಎಂದಂ: ಪಂಪಭಾ, ೧೦. ೬೦)

ಚಳತ್

[ಗು] ಚಲಿಸುತ್ತಿರುವ (ಪಲವುಂ ರಾಜಚಿಹ್ನಂಗಳಂ ಬೆಳ್ಗೊಡೆಗಳ್ ತಳ್ಪೊಯ್ದು ಅದೇಂ ಕಣ್ಗೊಳಿಸಿದುದೊ ಚಳತ್ ಚಂದ್ರಕಚ್ಛತ್ರಪಿಂಡಂ: ಪಂಪಭಾ, ೧೩. ೩೮)

ಚಳದಳಕೆ

[ನಾ] [ಚಲತ್+ಅಲಕೆ] ಅಲುಗುವ ಮುಂಗುರುಳುಳ್ಳವಳು (ಪುಳಿನದ ಲೋಹಾಸನಂಗಳೊಳ್ ನೆಮ್ಮಿರ್ದುಂ ಚಳದಳಕೆಯರರೆಬರ್ ಅದೇಂ ಕಳೆದರೊ ಶರದಾತಪಪ್ರಭೂತಶ್ರಮಮಂ: ಆದಿಪು, ೧೧. ೭೬)

ಚಳಮತಿ

[ನಾ] ಚಂಚಲ (ಫಳದಿಂ ಕಲ್ಪದ್ರುಮಮಂ ಜಳದಿಂ ಜಳನಿಧಿಯಂ ಉಕ್ತಿಯಿಂ ಸುರಗುರುವಂ ಬೆಳಗಿಂ ದಿನಪನಂ ಅರ್ಚಿಪ ಚಳಮತಿಗಳ ತೆಱನನಾಮುಮನುಕರಿಸಿರೆವೇ: ಆದಿಪು, ೧೪. ೧೧)

ಚಳಿತು

[ಕ್ರಿ] [√ಚಳಿ] ದಣಿದು (ಕಾದಿ ಚಳಿತು ಎಯ್ದಿ ಬೞಲ್ದು ಅಪರಾಂಬುರಾಶಿಯೊಳ್ ಮುೞುಗುವ ತೀವ್ರದೀಧಿತಿವೊಲ್ ಆ ಕೊಳದೊಳ್ ಫಣಿರಾಜಕೇತನಂ ಮುೞುಗಿದಂ: ಪಂಪಭಾ, ೧೩. ೭೪)

ಚಳಿಯಿಸು

[ಕ್ರಿ] [√ಚಳಿ] ಚಲ್ಲಾಪಿಲ್ಲಿಮಾಡು (ಕಳೆದುದು ಪತ್ರಭಂಗದ ಬೆಡಂಗುಗಳಂ ಕುಟಿಲಾಲಕಂಗಳಂ ಬಳೆಯಿಸಿದತ್ತು ಕಣ್ಗೆಸೆವ ರಾಗಮನೆಯ್ದಿದಿಸಿ ಕೇಶಹಸ್ತಮಂ ಚಳಿಯಿಸಿದತ್ತು: ಆದಿಪು, ೧೧. ೧೫೦); [ಕ್ರಿ] ದಣಿಸು, ಆಯಾಸಗೊಳಿಸು (ಈ ಮದದಂತಿಯ ಎೞ್ತರವುಂ ಈತನ ಶೌರ್ಯಮಿಂ ಈ ಮಹೋಗ್ರಸಂಗ್ರಾಮದೊಳ್ ಎನ್ನುಮಂ ಚಳಿಯಿಸಲ್ ಬಗೆದಪುದು: ಪಂಪಭಾ, ೧೨. ೮೪)

ಚಳಿಲ್

[ಅ] ಒಂದು ಅನುಕರಣ ಶಬ್ದ (ಪೊಸಪೂವಿನೊಳ್ ಪೊರೆದು ಪೊಣ್ಮಿದ ಕಂಪು ಮೊಗಂಗಳಂ ಚಳಿಲ್ಲನೆ ಕೊಳೆ ಪೊಯ್ಯೆ ತೀಡಿದುದು ತೆಂಕಣ ಗಾಳಿ ವಸಂತಮಾಸದೊಳ್: ಪಂಪಭಾ, ೫. ೩೪)

Search Dictionaries

Loading Results

Follow Us :   
  Download Bharatavani App
  Bharatavani Windows App