भारतीय भाषाओं द्वारा ज्ञान

Knowledge through Indian Languages

Dictionary

Pampana Nudigani (Kannada)

Kamadhenu Pustaka Bhavana

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

ಬೇಳ್ವೆ

[ನಾ] ಹೋಮ, ಯಜ್ಞ (ಬೇಳ್ವೆಗಳ್ಗೆ ಉಪದ್ರವಂಗೆಯ್ವ ನಿಶಾಟಕೋಟಿಯಂ ನಿಶಿತಶರಕೋಟಿಯಿಂದಂ ಉಚ್ಚಾಟಿಸಿ ಕೆಲವು ದಿವಸಮಿರ್ದು: ಪಂಪಭಾ, ೪. ೧೫ ವ); [ನಾ] ಮಾಟ (ಅತ್ತ ದುರ್ಯೋಧನನ ಬೆಸದೊಳ್ ಆತನ ಪುರೋಹಿತಂ ಕನಕಸ್ವಾಮಿಯೆಂಬಂ ಪಾಂಡವರ್ಗೆ ಆಭಿಚಾರಮಾಗೆ ಬೇಳ್ವ ಬೇಳ್ವೆಯ ಕೊಂಡು: ಪಂಪಭಾ, ೮. ೪೨ ವ)

ಬೇೞ್ಪಂ

[ನಾ] [√ಬೇಡು] ಬೇಡುವವನು (ಬೇೞ್ಪನ ಬೇೞ್ಪವಸ್ತು ಕಾಂಚನಗಿರಿಯಿಂದ ಅಗ್ಗಳಂ ಎನಿಪ್ಪುದಾದೊಡಂ ಏನೊ: ಪಂಪಭಾ, ೫. ೭೭)

ಬೇೞ್ಪಂತು

ಬೇಡುವಷ್ಟು (ಇವೆಲ್ಲಂ ಅಧ್ರುವಂ ಇವಂ ಬೇೞ್ಪಂತು ಬೇಳಲ್ಲೆಂ ಉತ್ತಮದೀಕ್ಷಾವಿಧಿಯುಂ ಸಮಾಧಿಮರಣಂ ಕರ್ಮಕ್ಷಯಂ ಬೋಧಿಲಾಭಂ ಅಮೋಘಂ: ಆದಿಪು, ೧೦. ೬೧)

ಬೇೞ್ಪರು

[ನಾ] ಬೇಡುವವರು (ಅರಸಿಯರಂ ಅಣುಗರಂ ಬೇೞ್ಪರುಮಂ ಮೊನೆಗಾಱರಂ ಪ್ರಗೀತರಂ ಇಂಬಾಗಿರೆ ಚೌಪಳಿಗೆಗಳೊಳ್ ಕುಳ್ಳಿರಿಸಿದರ್ ಪಡನೆಸೆಯೆ ನೆರೆದ ಪುರಜನಸಹಿತಂ: ಪಂಪಭಾ, ೨. ೬೭)

ಬೇೞ್ಪವಸ್ತು

[ನಾ] ಬೇಡುವ ಪದಾರ್ಥ (ಬೇೞ್ಪನ ಬೇೞ್ಪವಸ್ತು ಕಾಂಚನಗಿರಿಯಿಂದ ಅಗ್ಗಳಂ ಎನಿಪ್ಪುದಾದೊಡಂ ಏನೊ: ಪಂಪಭಾ, ೫. ೭೭)

ಬೇೞ್ಪುದು

[ನಾ] ಇಷ್ಟವಾದುದು (ಅನಿಬರುಂ ಇರ್ದರ್ ಮೌನವ್ರತದೆ ಗುಣಾರ್ಣವಂ ಆನೀವೆಂ ನಿಮ್ಮ ಬಯಸಿ ಬೇೞ್ಪುದನೆಂದಂ: ಪಂಪಭಾ, ೨. ೫೪)

ಬೈಕಂಗೊಳ್

[ಕ್ರಿ] ಭಿಕ್ಷೆ ತೆಗೆದೊಕೊ (ಮುಂದಿಟ್ಟು ಚಕ್ರಮಂ ತಿರಿತಂದುದುಮಂ ಪಾಳಮಿರ್ದು ಬೈಕಂಗೊಳ್ವೊಂದಂದದೆ ಕೊಂಡುದುಮಂ ಅದೇನೆಂದುನ್ನತಿಮಾಡಿ ಪೊಗೞ್ವೆ ಒಳಗಱಿಯದುದೇ: ಆದಿಪು, ೧೪. ೬೭) [ಎಲ್. ಬಸವರಾಜು ಹಾಗೂ ನರಸಿಂಹಶಾಸ್ತ್ರಿಗಳು ಸ್ವೀಕರಿಸಿರುವ ‘ಪಾಳಮಿರ್ದು ಬೈಕಂಗೊಳ್ವೊಂದಂದದೆ’ ಎಂಬುದರ ಬದಲು ವೆಂಕಟಾಚಲಶಾಸ್ತ್ರಿಗಳು ‘ಪೂೞದಿರ್ದು ಬಯ್ತಂಗೊಳ್ವೊಂದಂದದೆ’ ಎಂಬ ಪಾಠವನ್ನು ಸ್ವೀಕರಿಸುತ್ತಾರೆ]

ಬೈತುಗ

[ನಾ] ಪಿತ್ತರೋಗ (ಬಣ್ಣದಿಂ ಕಂಪಿಂದೇನಲೆದುದೊ ಬೈತುಗದಂತಿರೆ ತಲೆಗೇಱುವ ಕುಸುಮನಿಚಯಮಾ ಕಾಶ್ಮೀರಂ: ಆದಿಪು, ೧೧. ೧೨೮) [ವೆಂಕಟಾಚಲಶಾಸ್ತ್ರಿಗಳು ‘ಪೈತ್ತಿಕ’ ಎಂಬ ರೂಪವನ್ನೂ ಎಲ್. ಬಸವರಾಜು ‘ಪೈತಿಕ’ ಎಂಬ ರೂಪವನ್ನೂ ಬಳಸಿದರೆ ನರಸಿಂಹಶಾಸ್ತ್ರಿಗಳು ಈ ಶಬ್ದವನ್ನು ಸ್ವೀಕರಿಸಿ ಈ ಅರ್ಥವನ್ನು ನೀಡುತ್ತಾರೆ]

ಬೈತ್ರ

[ನಾ] [ವಹಿತ್ರ] ಹಡಗು (ಚಕ್ರರತ್ನಮದಱೊಳ್ ನಿರ್ಬಾಧಿತಮಿರ್ದತ್ತು ಪೆರ್ವಡೆ ವಾರಾಶಿಯೊಳಿರ್ದ ಬೈತ್ರದೊಳಗಂದೆತ್ತಂ ತೆರಳ್ಚಿದವೊಲ್: ಆದಿಪು, ೧೩. ೬೦)

ಬೈದಂತುಟೆ

ಬೈದ ಹಾಗೆಯೇ (ನನೆಯಂಬಂ ತೆಗೆದೆಚ್ಚಂ ಅಂಗಜನ ತಪ್ಪು ಏನಾನುಮಂ ತೋಱೆ ಕಾಣ್ಬನಿತಂ ಮಾಡದೆ ಪದ್ಮಜಂ ಮದನನಂ ಬೈದಂತುಟೇ: ಪಂಪಭಾ, ೪. ೬೯)

ಬೊಜಂಗ

[ನಾ] [ಭುಜಂಗ] ವಿಟ (ಬೇಟದ ಲಲ್ಲೆಯ ಬಲ್ಮೆ ಪತ್ತಿ ಸುತ್ತಿಸೆ ಪುರುಡಿಂಬುಕೈಸೆ ಬಿಯಮಾಗಿಸಿ ಪೊಂದದವಂ ಬೊಜಂಗನೇ: ಆದಿಪು, ೧೨. ೧೭)

ಬೊಟ್ಟನಿಟ್ಟುಕೊ

[ಕ್ರಿ] ಹಣೆಯಲ್ಲಿ ತಿಲಕವಿಟ್ಟುಕೊ (ಸಿಪ್ಪುಗಳೊಳ್ ತೀವಿ ಮಧುಮಂತ್ರಂಗಳಂ ಮಂತ್ರಿಸಿ ನೆಲದೊಳೆಱೆದು ತಲೆಯೊಳ್ ತಳಿದು ಕಳ್ಳೊಳ್ ಬೊಟ್ಟನಿಟ್ಟುಕೊಂಡು ಕೆಲದರ್ಗೆಲ್ಲಂ ಬೊಟ್ಟನಿಟ್ಟು: ಪಂಪಭಾ, ೪. ೮೭ ವ)

ಬೊಂದರಿಗೆ

[ನಾ] ದಿಂಬು (ಅಡ್ಡಂ ನಿಮಿರ್ದ ಲತೆಯ ಮೇಲೆ ವಿಳಾಸಂ ನಿಲೆ ನೀಡಿ ಕಾಲನರೆಬರ್ ಮಲಂಗಿದರ್ ಪೊಳೆವ ತಳಿರ ಬೊಂದರಿಗೆಗಳೊಳ್: ಆದಿಪು, ೧೧. ೭೮) ; [ನಾ] ಮೆತ್ತೆ, ಲೋಡು (ಪೊನ್ನ ಪಡಿಗಂಗಳೊಳಮಿಕ್ಕಿದ ಪೞಿಯ ಸುಖಾಸನಂಗಳೊಳಂ ಕಟ್ಟಿದ ಚಿನ್ನದ ಬೊಂದರಿಗೆಯೊಳಂ: ಪಂಪಭಾ, ೪. ೪೩ ವ)

ಬೊದಿಲ್ಲನೆ

[ಅ] ಬೊದಿಲ್ಲೆಂದು ಶಬ್ದವಾಗುವಂತೆ (ಕರಂ ಮೇಳಿಸಿದಪ್ಪುದೆನ್ನೆರ್ದೆಯಂ ಎಂದು ಬೊದಿಲ್ಲನೆ ಪಾಯ್ದು ನೀರೊಳಾ ಬಾಳನನಾದಮಾದರದೆ ಕಂಡೊಸೆದು ನಿಧಿಗಂಡನಂತೆವೋಲ್: ಪಂಪಭಾ, ೧. ೯೬)

ಬೊಬ್ಬಿಱಿ

[ಕ್ರಿ] ಬೊಬ್ಬಿಡು, ಜೋರಾಗಿ ಅರಚು (ಕೆನ್ನೆತ್ತರೊಳ್ ಒರ್ವರೊರ್ವರಂ ತಳ್ಕಿಱಿದುಂ ಬೊಬ್ಬಿಱಿದುಂ ತ್ರಿಪುಂಡ್ರಮಿಟ್ಟುಂ ಕೂಕಿಱಿದುಂ: ಪಂಪಭಾ, ೧೨. ೧೫೮ ವ)

ಬೊಬ್ಬುಳಿಕೆ

[ನಾ] ನೀರ ಗುಳ್ಳೆ (ಬೆಳಗುವ ತಾರನಿಕರಮಾ ಕಡಲೊಳ್ ನಸುತೇಂಕುದೇಂಕಿ ಬೊಬ್ಬುಳಿಕೆಗಳಂತೆ ತೋಱಿದುವು: ಆದಿಪು, ೭. ೯೮)

ಬೊಮ್ಮ

[ನಾ] ಬ್ರಹ್ಮ (ಒಡೆಗುಂ ಅಜಾಂಡಂ ಇನ್ನಿನಿಸು ಜೇವೊಡೆದಾಗಳೆ ಬೊಮ್ಮನುಂ ಮನಂಗಿಡುಗುಂ: ಪಂಪಭಾ, ೨. ೭೬)

ಬೋದನ

[ನಾ] ಚಾಳುಕ್ಯರ ರಾಜಧಾನಿ (ಏನಂ ಪೇೞ್ವುದೊ ಸಿರಿಯುದ್ದಾನಿಯಂ ಎಣ್ಣೆಯೊಳ್ ತೀವಿ ದೀರ್ಘಿಕೆಗಳಂ ಅಂತಾ ನೃಪತಿ ನಿಚ್ಚಲ್ ಅಯ್ನೂಱ್ ಆನೆಯಂ ಅವಗಾಹಮಿರಿಸುವಂ ಬೋದನದೊಳ್: ಪಂಪಭಾ, ೧. ೧೭)

ಬೋದಿಗೆ

[ನಾ] ಕಂಬದ ಮೇಲ್ಭಾಗ (ಪವಳದ ಜಂತೆಯೊಳಂ ಪದ್ಮರಾಗದ ಬೋದಿಗೆಯೊಳಂ ಇಂದ್ರನೀಲದ ಭದ್ರದೊಳಂ ಕರ್ಕೇತನದ ಜಾಳರಿಗೆಗಳೊಂ: ಪಂಪಭಾ, ೩. ೭೪ ವ)

ಬೋಧಾದಾಯಿ

[ನಾ] [ಬೋಧ+ಆದಾಯಿ] ಜ್ಞಾನವನ್ನು ನೀಡುವವನು (ವಿಶದಯಶೋಭಾಗಿಯಂ ಭವ್ಯಪದ್ಮಾಕರ ಬೋಧಾದಾಯಿಯಂ ತಿಗ್ಮಕರನುದಯದೊಳ್ ಪುತ್ರನಂ ಪೆತ್ತಳಾಗಳ್: ಆದಿಪು, ೭. ೩೬)

Search Dictionaries

Loading Results

Follow Us :   
  Download Bharatavani App
  Bharatavani Windows App