भारतीय भाषाओं द्वारा ज्ञान

Knowledge through Indian Languages

Dictionary

Pampana Nudigani (Kannada)

Kamadhenu Pustaka Bhavana

ನಿಘಂಟಿನ ಪೀಠಿಕಾ ಪುಟಗಳನ್ನು ಓದಲು ದಯವಿಟ್ಟು ಇಲ್ಲಿ ಕ್ಲಿಕ್‌ ಮಾಡಿರಿ
शब्दकोश के परिचयात्मक पृष्ठों को देखने के लिए कृपया यहाँ क्लिक करें
Please click here to view the introductory pages of the dictionary

ಮೊಳೆವುಲ್

[ನಾ] ಎಳೆ ಹುಲ್ಲು (ಕರಿಯ ಮುಗಿಲ್ಗಳಿಂ ಗಗನಮಂಡಳಮೊಪ್ಪಿರೆ ಸೋಗೆಯಿಂ ವನಾಂತರಂ ಎಸೆದು ಒಪ್ಪೆ ತೋರ್ಪ ಮೊಳೆವುಲ್ಗಳಿನೀ ಧರಣೀವಿಭಾಗಂ ಒಪ್ಪಿರೆ: ಪಂಪಭಾ, ೭. ೨೩)

ಮೊೞ

[ನಾ] ಮೊಳ, ಒಂದೂವರೆ ಅಡಿಯಷ್ಟು ಉದ್ದದ ಅಳತೆ (ದ್ವಾವಿಂಶತ್ಯಂಬುಧಿಮಿತಜೀವಿತಮುಂ ಮೂಱು ಮೊೞದ ದಿವ್ಯಾಂಗಮುಂ ಆ ದೇವಂಗಾಯ್ತು: ಆದಿಪು, ೬. ೧೭)

ಮೊೞಗು

[ಕ್ರಿ] ಗರ್ಜಿಸು (ಕಾಳಾಂತ ಪವನಹತಿ ಕಲ್ಲೋಳವಿಳ ಜಳಧಿನಿನದಮೋ ನಿರ್ಘಾತಾಭೀಳತರರಭಸಮೋ ಲಯಕಾಳಾಂಬುದಘೋಷಮೋ ನೆಲಂ ಮೊೞಗಿದುದೋ: ಆದಿಪು, ೧೨. ೯೧); [ನಾ] ಗುಡುಗು (ಸಿಡಿಲಿಂ ಮಿಂಚಿ ಮೊೞಗಿಂ ಪಡೆಗುಳ್ಕಂ ಪಡೆವಹೀಂದ್ರರೆರ್ದೆಗಿಡುವಿನೆಗಂ: ಆದಿಪು, ೧೩. ೬೨); [ಕ್ರಿ] ಕೂಗು (ಪ್ರತಿಮೆಗಳೞ್ತು ಮೊೞಗಿದುದು ಅತಿರಭಸದೆ ಧಾತ್ರಿ ದೆಸೆಗಳುರಿದುವು ಭೂತಪ್ರತತಿಗಳಾಡಿದುವು ಒಳಱಿದವು ಅತಿ ರಮ್ಯಸ್ಥಾನದೊಳ್ ಶಿವಾನಿವಹಂಗಳ್: ಪಂಪಭಾ, ೧. ೧೩೩); [ಕ್ರಿ] ಶಬ್ದಮಾಡು (ಆಗಳ್ ಕುಂಭಸಂಭವನುಲಿದ ಜನರ ಕಳಕಳರವಮುಮಂ ಮೊೞಗುವ ಪಱೆಗಳುಮಂ ಬಾರಿಸಿ: ಪಂಪಭಾ, ೨. ೭೪ ವ); [ನಾ] ವಾದ್ಯಘೋಷ (ಬದ್ದವಣದ ಪಱೆಗಳ್ ಕಿವಿ ಸದ್ದಂಗಿಡೆ ಮೊೞಗೆ ದೇವದುಂದುಭಿರವಂ ಒಂದು ಉದ್ದಾನಿ ನೆಗೞೆ ಮುಗುಳ ಅಲರ ಒದ್ದೆ ಕರಂ ಸಿದ್ಧಮಾದುದು ಅಂಬರತಲದೊಳ್: ಪಂಪಭಾ, ೧೨. ೨೧೮)

ಮೊೞ್ಗು

[ಕ್ರಿ] ಬಾಗು (ಅೞ್ಗಿದ ಬಿಲ್ವಡೆ ಮಾಣದೆ ತಗ್ಗಿದ ರಥಂ ಎಯ್ದೆ ಬಗಿದ ಪುಣ್ಗಳ ಪೊಱೆಯಿಂ ಮೊೞ್ಗಿದ ಕರಿಘಟೆ: ಪಂಪಭಾ, ೧೧. ೬೪):

ಮೋಕ್ಷ

[ನಾ] [ಜೈನ] ‘ಸಪ್ತತತ್ವ’ಗಳಲ್ಲಿ ಒಂದು, ಎಲ್ಲದರಿಂದ ಬಿಡುಗಡೆ ಹೊಂದಿ ಆತ್ಮ ಪರಿಶುದ್ಧಗೊಳ್ಳುವುದು (ಮೂಲೋತ್ತರಾದಿ ಭೇದಭಿನ್ನ ಕರ್ಮಪ್ರಕೃತಿಗಳ ನಿರ್ಮೂಳೋಚ್ಛಿತ್ತಿ ಮೋಕ್ಷಮೆಂಬುದು: ಆದಿಪು, ೧೦. ೬೩ ವ)

ಮೋಕ್ಷಪ್ರಾಸಾದ

[ನಾ] [ಜೈನ] ಮುಕ್ತಿಯ ಸ್ಥಿತಿ (ಮೋಕ್ಷಪ್ರಾಸಾದಾರೋಹಣ ನಿಶ್ರೇಣೀಭೂತ ಕ್ಷಪಕ ಶ್ರೇಣಿಪ್ರಾಯೋಗ್ಯಾಧಃಪ್ರವೃತ್ತಿಕರಣಪರಿಣತಂ ಅಪೂರ್ವಕರಣ ಕ್ಷಪಕಂ ಪ್ರಥಮಶುಕ್ಲಧ್ಯಾನಪರಿಣತನಾಗಿರ್ದ: ಆದಿಪು, ೧೦. ೧೪ ವ)

ಮೋಕ್ಷಮಾರ್ಗ

[ನಾ] ತಪಸ್ಸಿನ ದೀಕ್ಷೆ (ವಿಂಶತಿಸಹಸ್ರ ಸಮಾಜಂಬೆರಸು ಮಂದರಸ್ಥವಿರರೆಂಬ ಮುಮುಕ್ಷುಗಳ ಸಮಕ್ಷದೊಳ್ ಮೋಕ್ಷಮಾರ್ಗಮಂ ಕೈಕೊಂಡು: ಆದಿಪು, ೩. ೭೨ ವ)

ಮೋಘ

[ನಾ] ವ್ಯರ್ಥ (ಮಚ್ಚರಮುಂ ಮೋಘಂ ಎಡಂಬಡುಂ ಕಲುಷಮುಂ ಮುನ್ನುಳ್ಳುದು .. .. ನಿಷ್ಕಾರಣಂ ಕಾಯ್ವರೇಂ: ಪಂಪಭಾ, ೭. ೩೫)

ಮೋದ

[ನಾ] [ಜೈನ] ಐವತ್ತಮೂರು ಗರ್ಭಾನ್ವಯಕ್ರಿಯೆಗಳಲ್ಲಿ ಒಂದು (ಆದಾನ ಪ್ರೀತಿ ಸುಪ್ರೀತಿ ಧೃತಿ ಮೋದ .. .. ಎಂಬ ಅಯ್ವತ್ಮೂಱು .. .. ಗರ್ಭಾನ್ವಯಕ್ರಿಯೆಗಳುಂ: ಅದಿಪು, ೧೫. ೧೫ ವ)

ಮೋದಕ

[ನಾ] ಕಡುಬು (ಅತ್ಯಂತಕೋಮಳ ತಾಳುತಳ ಸಂಘಟ್ಟಮಾತ್ರ ಕ್ಷೋದನೀಯ ಮೋದಕಮುಮಂ: ಆದಿಪು, ೧೧. ೨೬ ವ)

ಮೋದು

[ಕ್ರಿ] ತುಳಿ (ಫಲವ್ರಾತದಿಂ ನೆಲನಂ ಮೋದುವ ಮಾತುಳುಂಗಮೆಸೆಗುಂ ವಿದ್ಯಾಧರೋದ್ಯಾನದೊಳ್: ಆದಿಪು, ೧. ೬೭); [ಕ್ರಿ] ಒದೆ (ಆದಿತ್ಯನನಿಳಿಪ ತೇಜರಿರ್ ಪಾರ್ವನ ಕಾಲ್ ಮೋದೆ ನಡುತಲೆಯಲಿರ್ಪುದುಂ ಆದುದು ನಿಮಗೆಂದು ನುಡಿದು ಕಾಯ್ಪಿನೊಳೊದೆದಂ: ಪಂಪಭಾ, ೨. ೬೪); [ಕ್ರಿ] ಹೊಡೆ (ಗೆಡೆವೆಚ್ಚಿರ್ವರ್ ಮನಗೊಂಡು ಒಡನೊಡನೋರಂತು ಮೋದಲೆಂದಿರ್ದೆಡೆಯೊಳ್ ಗುರು ತನ್ನ ಮಗನಂ ಎಡೆವುಗವೇೞ್ದಂ: ಪಂಪಭಾ, ೨. ೭೩)

ಮೋದುವೆಱು

[ಕ್ರಿ] ಪೆಟ್ಟು ತಿನ್ನು (ನೂಪುರರವವಿಳಸತ್ ವಾಮಪಾದಪ್ರಹಾರಕ್ಕಿದಱೊಳ್ ಪಕ್ಕಾಗಿ ಗೋತ್ರಸ್ಖಲನೆ ನೆಗೞೆ ಪೂಮಾಲೆಯಿಂ ಮೋದುವೆತ್ತೆಂ: ಆದಿಪು, ೪. ೯)

ಮೋಪು

[ನಾ] ಪ್ರೀತಿ (ಮತ್ತೊರ್ವ ಬೇಟಕಾತಿ ತಾಯ ಕಣ್ಣಂ ಬಂಚಿಸಿ ತನ್ನ ಮೋಪಿನಾಕೆಯ ಮನೆಗೆ ಪೋಪ ಬೇಟದಾಣ್ಮನಂ ಪಿಡಿದು: ಪಂಪಭಾ, ೪. ೯೮ ವ); [ನಾ] ಹೋರಾಡುವ ತೀಟೆ (ಅಂತು ಮುಳಿಸಿನ ಮೋಪಿನ ಗಂಡಮಚ್ಚರದ ಮೆಚ್ಚವಣಿಗೆಯ ಅಂಕಕಾಱರ ಎಕ್ಕತುಳಕ್ಕೆಕ್ಕೆಯಿಂ ಸೂೞೇಱಿಱಿವಂತೆ ಒರ್ವರೊರ್ವರೊಳ್ ಕಾದೆ: ಪಂಪಭಾ, ೧೨. ೭೬ ವ); [ನಾ] ಈರ್ಷ್ಯೆ (ಅಂತು ಮುಳಿಸಿನ ಮೋಪಿನ ಗಂಡಮಚ್ಚರದ ಮೆಚ್ಚವಣಿಗೆಯ ಅಂಕಕಾಱರ್ ಎಕ್ಕತುಳಕ್ಕೆ ಎಕ್ಕೆಯಿಂ ಸೂೞೇಱಿಱಿವಂತೆ ಒರ್ವರ್ ಒರ್ವರೊಳ್ ಕಾದೆ: ಪಂಪಭಾ, ೧೨. ೭೬ ವ)

ಮೋಹತಮಃಪಟ

[ನಾ] ಮೋಹವೆಂಬ ಕತ್ತಲಿಂದ ಕಟ್ಟಿಹಾಕುವ (ಭವದೀಯ ರೂಪಲಂಪಟವಿಟರಂ ಮರುಳ್ಗೊಳಿಸಿತು ಉತ್ಕಟ ಮೋಹತಮಃಪಟಂ ಪಟಂ: ಆದಿಪು, ೩. ೯೦)

ಮೋಹನಯಂತ್ರ

[ನಾ] ಸಮ್ಮೋಹನಗೊಳಿಸುವ ತಾಯಿತ (ಮನಸಿಜನ ಅಂಗನಾಜನವಶೀಕರಣ ಔಷಧಂ ಅಂಗಜನ್ಮನಂಬಿನ ಮದಶಕ್ತಿ ಮೋಹನಯಂತ್ರಂ ಇದಪ್ಪುದು: ಆದಿಪು, ೪. ೪೧)

ಮೋಹನೀಯಕರ್ಮ

[ನಾ] [ಜೈನ] ಆತ್ಮನನ್ನು ಬಂಧಿಸುವ ಎಂಟು ಮೂಲಕರ್ಮಗಳಲ್ಲಿ ಒಂದು (ಬೞಿಯಂ ಮೋಹನೀಯ ಕರ್ಮೋಪಶಮದೊಳ್ ವಿಶುದ್ಧಾತಿಶಯ ವಿಶೇಷದಿಂ ಉಪಶಮಶ್ರೇಣ್ಯಾರೋಹಣಂಗೆಯ್ದು: ಆದಿಪು, ೬. ೩೩ ವ), ನೋಡಿ ‘ಕರ್ಮ’

ಮೋಹಿಸು

[ಕ್ರಿ] ಆಕರ್ಷಣೆಯುಂಟುಮಾಡು (ನೀಲಾಂಜನೆ ತನ್ನಾಟಮನೊಱಲ್ದು ನೋಡುವ ನೋಟಕರಂ ತವದ ಮಾೞ್ಕೆಯಿಂ ಮೋಹಿಸಿದಳ್: ಆದಿಪು, ೯. ೩೮); [ಕ್ರಿ] ಪ್ರಜ್ಞೆ ತಪ್ಪಿಸು (ಒರ್ಮೆಯೆ ವಿಶ್ವರೂಪಮಂ ತೋಱಿದಂ ಇರ್ದರಂ ನೆಱೆಯೆ ಮೋಹಿಸಿ ವೈಷ್ಣವದಿಂ ಮುರಾಂತಕಂ: ಪಂಪಭಾ, ೯. ೬೦)

ಮೌಕ್ತಿಕ

[ನಾ] ನವರತ್ನಗಳಲ್ಲಿ ಒಂದು, ಮುತ್ತು (ಮಣಿಮೌಕ್ತಿಕ ನೀಳಸ್ಥೂಳ ಶಿಲಾಪ್ರವಿಭಾಸಿತ .. .. ನಿರ್ಗತ ಮಂತ್ರಪೂತಾಂಗಮಂ ನೃಪನೆಯ್ದಿದಂ ಉದ್ಯತ್ ಶೃಂಗಮಂ ಶತಶೃಂಗಮಂ: ಪಂಪಭಾ, ೧. ೧೧೫)

ಮೌಕ್ತಿಕದಾಮ

[ನಾ] ಮುತ್ತಿನ ಹಾರ (ಪರಸ್ಪರಸ್ಪರ್ಧಮಾನ ಪರಿಕ್ಷಿಪ್ತ ಮಲ್ಲಿಕಾಮುಕುಳ ಮುಕ್ತಾಫಳೋಪಶೋಭಿತದೊಳ್ ಇಂದ್ರನೀಲಮಣಿ ಕುಟ್ಟಿಮಸಂಕ್ರಾಂತ ಮೌಕ್ತಿಕದಾಮ ಅಭಿರಾಮದೊಳ್: ಆದಿಪು, ೮. ೬೭ ವ)

ಮೌನವ್ರತ

[ನಾ] ವ್ರತದಂತಹ [ಕಟ್ಟುನಿಟ್ಟಾದ] ಮೌನ (ಅನಿಬರುಂ ಇರ್ದರ್ ಮೌನವ್ರತದೆ ಗುಣಾರ್ಣವಂ ಆನೀವೆಂ ನಿಮ್ಮ ಬಯಸಿ ಬೇೞ್ಪುದನೆಂದಂ: ಪಂಪಭಾ, ೨. ೫೪)

Search Dictionaries

Loading Results

Follow Us :   
  Download Bharatavani App
  Bharatavani Windows App